Palatium urbanum (Ysenacum)

Museum Thuringiense (Theodisce: Thüringer Museum) anno 1899 Ysenaci conditum erat museum in ecclesia Praedicatorum collocatum. Ibi et nunc artificia multa visitatores captant et movent. Sed collectio artis manualis anno 1931 in palatium fori magni translatum est.

Thesauri qui prostent[recensere | fontem recensere]

Praecipuae collectionis partes sunt hae: porcellana Thuringiensia, vasa Faventina^[1], vitrea, graphica, ferrum fabrile, picturae partis alterae saeculi XIX, copia rerum culturalium popularium, opera sic dicti realismi expressivi.

Mense Decembri 2021 selectio ex pinacotheca operis fundati Curt Elschner et ex propriis depositoriis advenit. Itaque vere thesaurus magni momenti in situ colitur.

Opera pictorum saeculorum XIX et XX iuxta scholas Dusseldorpiensem, Monacensem et Vimarianam necnon adeptorum primae Monacensis secessionis, professorum academiarum artium et quorundam peregrinantium extra patriam in uno loco congregantur.

Etiam ostenditur expositio perpetua de genere conchato in Thuringia (Reise durch das Thüringer Rokoko - Porzellane seit 1760); alii magis gaudeant studio Frederici W. Rüttinger in conclavibus praetitulatis Leidenschaft gesammelt. Ibi enim porcellanum, graphica et imagines et Ysenaci et Castelli Wartburgensis et plagarum circumiectarum monstrantur. Rüttinger maecenas summus sua municipio dono donaverat.

In stabulo equorum pristino refecto, quod a foro nundinarum ante Ecclesiam Sancti Georgii adire possumus, et in aliis aedificii locis iam restauratis expositiones ambulantes insunt. Circulus amicorum Freunde des Thüringer Museums Eisenach libenter novos in gremio suo recipit.

Palatii historia[recensere | fontem recensere]

Homo bellam frontem Palatii civitatis ad latus septentrionale Plateae nundinarum siti spectans vix credit sex antiquas domos civium ibi affabre insertas et iunctas esse. Anno 1755 princeps Ducatus Saxoniae-Vimarii-Eisenach in novas aedes commigravit, ubi grex illustrium magnus sartus et tectus servabatur. Inviserunt duces Ioannes Volfgangus Goethius, Carlotta de Stein, Georgius Philippus Telemannus, Ricardus Wagner et multi alii.

Hodie in pedeplanis de omnibus rebus periegesim spectantibus illuminatur atque instruitur. In palatio officiales in Archivo urbano et administratores variis in grapheis quoque operam dant.