Paddy Ashdown

Paddy Ashdown

Res apud Vicidata repertae:

Paddy Ashdown: imago

Nativitas: 27 Februarii 1941; Dellium Novum
Obitus: 22 Decembris 2018; Bristolium
Patria: Britanniarum Regnum
Nomen nativum: Jeremy John Durham Ashdown

Familia

Genitores: John W. R. D. Ashdown; Lois Ashdown
Coniunx: Jane Courtenay

Memoria

Sepultura: Church of St Mary the Virgin, Norton Sub Hamdon

Paddy Ashdown, sic saepissime nuncupatus, nomine nativo Jeremy John Durham Ashdown, hodie Lord Ashdown (Novi Dellii die 27 Februarii 1941 natus; mortuus die 22 Decembris 2018) fuit politicus Britannicus, ductor factionis liberalis democraticae, deinde etiam legatus superior Bosniae et Herzegovinae.

Patre et matre officialibus Britannicis, Patricius Ashdown, Novi Dellii in India eo aevo Britannica natus, praecipue in Hibernia Septentrionali educatus est. Annum duodevicesimum agens miles Britannicus inter marinos factus, mox in insula Borneo, deinde in sinu Persico militavit. Postea anno 1972 marinis relictis in ministerium secretorum (Secret Intelligence Service) receptus est, quo munere iuxta legationem ad Nationes Unitas Britannicam fungens Genavae in Helvetia habitabat.

Paddy Ashdown in urbe Chippenham de comitiis Britannicis anni 1992 candidatus

Anno 1976 in Angliam reditus candidatus est factionis Liberalis ad Parlamentum Britannicum pro circulo Yeovil. Legatus est non anno 1979, sed ab anno 1983 et usque in 2001, quo anno, legationem resignans, in Camera Parium promotus est titulo Baron Ashdown of Norton-sub-Hamdon. Illis autem annis, liberalibus cum democratis socialibus nuper coniunctis, ille novae factionis "liberalis Democraticae" ductor electus est, quod officium ab 1988 usque ad 1999 bono successu tenuit, successore Carolo Kennedy. Mox Legatus Superior Bosniae et Herzegovinae factus est, praecessore Wolfgangus Petritsch. Cui officio a die 27 Maii 2002 ad 30 Maii 2006 impleto successor Christianus Schwarz-Schilling fuerit.

Opera

Donaldus Rumsfeld secretarius civicus pro munitione Civitatum Foederatarum (ad dextram partem) cum Paddy Ashdown Vasingtoniae anno 2004 pictus

• 2000 : The Ashdown Diaries vol 1. 1988–1997 ISBN 0-14-029775-8
• 2001 : The Ashdown Diaries vol 2. 1997–1999, ISBN 0-14-029776-6
• 2008 : Swords And Ploughshares: Building Peace in the 21st Century ISBN 0-297-85303-1
• 2010 : A Fortunate Life: The Autobiography of Paddy Ashdown ISBN 978-1-84513-419-8
• 2012 : A Brilliant Little Operation: The Cockleshell Heroes and the Most Courageous Raid of World War 2 ISBN 1845137019

Bibliographia

• Stephen Bates, "Paddy Ashdown obituary" in The Guardian (22 Decembris 2018)

Nexus externi

Vicimedia Communia plura habent quae ad Paddy Ashdown spectant.

• Vita apud ministerium Legati Superioris Bosniae et Herzegovinae
• De documentis Paddy Ashdown apud bibliothecam Scholae Scientiarum Politicarum et Oeconomicarum Londiniensis
• Lord Ashdown aapud Parliamentary Record

Legati superiores Bosniae et Herzegovinae

Ductores factionis liberalis democraticae Britannicae