Consuetudo nominationum Sinarum

Conpluribus nominibus uti mos est apud Sinas aliasque Asiae quae ad orientem vergit gentes, quorum haec sunt praestantissima.

Nomina virorum

Sin.	Latine	Pertinet ad	Usus
姓	Nomen tribuarium	Omnes	Apud maiores Sinarum tribum cui quisque sit adscriptus significabat; posterius idem factum est ac nomen gentilicium.
氏	Nomen gentilicium	Priscos	Gentem hominis significat; idem est nostra aetate ac nomen tribuarium.
名	Praenomen	Omnes	Nomen proprium. Sunt enim apud non nullos et puerile et scholasticum.
乳名	Praenomen puerile	Puerulos	Praenomen puerulis latum.
訓名	Praenomen scholasticum	Discipulos	Praenomen a magistro ludi nominatum, ut praenomini puerili substituatur.
字	Cognomentum	Adultos	Nomen a parentibus ut primum adulto facto appellatum, quo utuntur aequales aevo.
號	Appellatio	Eruditos	Nomen quod ipse sibi appellant poetae et alii eruditi, quo utuntur minores natu.
法名	Nomen dharmicum	Monachos Buddhistas	Nomen monachorum quod ceteris quaecumque habebant substituitur, ut pietatem ostendant.
法號	Appellatio dharmica	Cultores Buddhismi	Nomen tamquam dharmicum, sed ad cultores etiam non monachos factos pertinet.
化名	Pseudonymum	Raros	Nomen fictum fugitivorum ad insectatores frustrandos.
尊號	Nomen imperiale	Imperatores
諡號	Nomen postumum	Imperatores et potestates
廟號	Nomen sacrificale	Imperatores
封號	Nomen honorificum	Honoratos

Nexus interni

• Nomen urbanitatis
• Onomastica