Jump to content

Omar M. Yaghi

E Vicipaedia
Omar M. Yaghi.

Omar M. Yaghi (natus Philadelphiae in Iordania die 9 Februarii 1965) est chemicus Palaestino-Americano-Iordanicus, natus in familia profugorum Palaestinorum, qui anno 2021 civitatem Arabiae Sauditae adeptus est. Anno 2025, Praemium Nobelianum chemiae accepit, una cum Susumu Kitagawa et Ricardo Robson, ratione studii retium metallo-organicarum.[1]

Alumnus Universitatis Albaniensis (SUNY)? et deinde Universitatis Illinoesiae Urbana-Champaign?, ubi anno 1990 doctoris gradum adeptus est, anno 2012 professor Universitatis Californiensis Berkeleiensis factus est. In Academiam Nationalem Scientiarum Civitatum Foederatarum, Academiam Leopoldinam, et societates aliarum academiarum cooptatus eSt.[2]

Exemplum retis metallo-organici (MIL101): imago superior est photographema in microscopio electronico, inferior vero diagramma, ubi caeruleo colore atomi chromii, brunneo carbonii, rubro vero oxygenii designantur.

Ob philanthropiam notus, et pro iure ad aquam habendam et pro energia durabili militat.

Notae

[recensere | fontem recensere]
  1. ↑ De Omare M. Yaghi apud nobelprize.org.
  2. ↑ "Omar M. Yaghi," pagina in interretiali Universitatis Berkeleiensis situ.

Nexus externi

[recensere | fontem recensere]
Vicimedia Communia plura habent quae ad Omarem M. Yaghi spectant.
  • Yaghi Laboratory, situs interretialis Omaris M. Yaghi et collaboratorum eius (Anglice).
Receptum de "https://la.wikipedia.org/w/index.php?title=Omar_M._Yaghi&oldid=3930411"