Olympias Thebana
Vide etiam paginam discretivam: Olympias (discretiva)
Olympias Thebana (floruit fortasse saeculo primo ante aer. vulg.), fuit scriptrix medica Graeca, cuius libros erant inter fontes librorum 20–28 C. Plinii Secundi Naturalis historiae.[1]
Plinius haec de Olympiadis remediis tradit:
- "Olympias Thebana [dicit malvas] abortivas esse cum adipe anseris."[2]
- "Mulierum purgationes adiuvat fel tauri in lana sucida adpositum—Olympias Thebana addit oesypum et nitrum."[3]
- "Sterilitatem a partus vexatione fieri certum est. Hanc emendari Olympias Thebana adfirmat felle tauri et adipe serpentium et aerugine ac melle medicatis locis ante coitus."[4]
Quia remedia similia apud Pedanium Dioscuridem reperiuntur, creditur is quoque libris Olympiadis usus esse.[5]
Notae[recensere | fontem recensere]
- ↑ Gaius Plinius Secundus, Naturalis historia 1.20c et passim.
- ↑ Plinius, Naturalis historia 20.226.
- ↑ Plinius, Naturalis historia 28.246.
- ↑ Plinius, Naturalis historia 28.253.
- ↑ Vivian Nutton, "O. aus Theben", pars commentarii "Olympias". In Brill’s New Pauly online (2006).