Oberonia titania

E Vicipaedia
LR059 72dpi Oberonia titania.jpg

Monocotyledones 
Ordo : Asparagales 
Familia : Orchidaceae 
Subfamilia : Epidendroideae 
Tribus : Malaxideae 
Subtribus : Malaxidinae 
Genus : Oberonia 
Species : Oberonia titania 
Lindl.[1]
   
Synonyma
* Titania miniata Endl.
  • Malaxis titania (Lindl.) Rchb.f.
  • Iridorkis titania (Lindl.) Kuntze
  • Oberonia palmicola F.Muell.
  • Malaxis palmicola (F.Muell.) F.Muell.
  • Oberonia neocaledonica Schltr.

Oberonia titania[2][3] est species plantarum florentium familiae Orchidacearum, quae epiphyta caespitem generat. Ei in quoque surculo sunt a quattuor ad decem folia flabelliformia et usque ad 350 perparvuli flores colore a roseo ad rubrum in verticillis circa caulem florentem ordinati. Endemica est in Iava, Nova Caledonia, et Australia orientali, Insula Norfolcia non exclusa.

Descriptio[recensere | fontem recensere]

Oberonia titania est herba epiphytica quae caespites generat. Cuique surculo sunt a quattuor ad decem folia succulenta, lanceolata vel ovata, viridia vel cinerascentia, 40-60 mm longa et 3-5 mm lata, imis partibus convenientibus. A quinque ad 350 flores subrosei ad roseos circa 1.2 mm longi et 1.0 mm lati in sex ad octo verticillos in arcuato cauli florente 30-80 mm longo ordinantur. Sepala et petala ovata circa 0.9 mm longa sibi seorsum extenduntur. Labellum est cupulatum, circa 1.0 mm longum et 0.6 mm latum, tris lobos habens. Plantae a Ianuario ad Iunium florent.[2][3][4]

Taxinomia et nomina[recensere | fontem recensere]

Oberonia titania primum a Ioanne Lindley anno 1859 rite agnita est, qui descriptionem in libro Folia Orchidaceae protulit.[5][6]

Distributio et habitatio[recensere | fontem recensere]

Haec orchis in arboribus in silvis pluvialibus umidisque vallibus praeruptis in Iava, Nova Caledonia, Nova Cambria Australi, Insula Norfolcia, et Terra Reginae sponte crescit.[1][7]

Conservatio[recensere | fontem recensere]

Haec orchis vulnerabilis describitur sub Biodiversity Conservation Act 2016 Novae Cambriae Australis. Principales speciei minae sunt deterior habitationis naturali condicio et collectio illegitima.[3]

Notae[recensere | fontem recensere]

  1. 1.0 1.1 Formula:WCSP
  2. 2.0 2.1 Jones, David L. (2006). A complete guide to native orchids of Australia including the island territories. Frenchs Forest, N.S.W.: New Holland. p. 471. ISBN 1877069124 .
  3. 3.0 3.1 3.2 "Red-flowered King of the Fairies - profile". New South Wales Government Office of Environment and Heritage .
  4. Weston, Pete H.. "Oberonia titania". Royal Botanic Garden Sydney .
  5. "Oberonia titania". APNI .
  6. Lindley, John (1859). Folia Orchidaceae (Part 8). Londinii. p. 8 .
  7. "Oberonia titania". Flora and Fauna of New Caledonia .

Nexus externi[recensere | fontem recensere]

Vicimedia Communia plura habent quae ad Oberoniam titaniam spectant.
Wikidata-logo.svg Situs scientifici: Tropicos • Plant List • Biodiversity • Encyclopedia of Life • Plant Name Index • INPN France