Northorna
Northorna
Locus: 52°26′0″N 7°4′0″E
Numerus incolarum: 55 619
Zona horaria: UTC+1, UTC+1, UTC+2
Situs interretialis
Gestio
Geographia
Coniunctiones urbium
Tabula aut despectus
Northorna[1] (Germanice Nordhorn) est oppidum Germanicus in Saxonia Inferiore situm atque caput Circuli in Comitatu Binethensis. Ad oppidum et vici Bimolten (251 incolae), Bookholt (685), Brandlecht (921), Hesepe (281), Hestrup (295), Hohenkörben (107) atque Klausheide (1.469) pertinent.
Historia
[recensere | fontem recensere]Circa annum 800 Ludgerus episcopus primam ecclesiam oppidi aedificavit, anno 900 Northorna primo in actis descripta est[2]. Ab anno 1160 Northorna ad comitatum Binethensem pertinuit et usque ad annum 1753 mansit, cum Friedericus Carolus comes Northornae cum toto comitatu Electori Hannoverae pigno dedit. Ab anno 1806 Northorna ad Magnum Ducatum Montensem pertinuit. Napoleone imperatore victo Northornae pars Regni Hannoverani fuit. Regnum Hannoveranum autem anno 1866 a Borussia occupatum est. Anno 1885 Circulus in Comitatu Binethensi conditus est, cuius caput tum Benthemia erat. Anno 1945 Britannici magistratus, qui hanc partem Germaniae occupaverunt, caput circuli Northornae transtulerunt, quod in media parte regionis situm est. Ab anno 1946 Circulus Binethensis pars Saxoniae Inferioris est. Numerus incolarum tum multis hominibus auctus est, qui e Germania Orientali fugati erant. Anno 1974 vici supra dicti ad Northornam adiuncti sunt. Ab anno 2011 Thomas Berling (SPD) magister civium electus est.
Religio
[recensere | fontem recensere]22,5% Northornensium catholi sunt, 19,4% reformati, 13,8% lutherani, 1,7% antiqui-reformati. Aliis Northornensibus religio non est.
Cives clari
[recensere | fontem recensere]- Bernhard Rawe (*1864, † 1950), possessor societatis textilis, cives honoratus civitatis Northornae.
- Bernhard Brink (*1952), cantor.
- Maria-Ludovica Dött (*1953), rerum politicarum perita factionis CDU.
- Albert Stegemann (*1976), agricola et politicus fractionis CDU.
 | Coevorden, ex anno 1963 |
 | Montivilliers, ex anno 1963 |
 | Reichenbach (Civitas Richenbach), ex anno 1989 |
 | Malbork (Castrum Sanctae Mariae), ex anno 1995 |
 | Reate, ex anno 2010 |
Notae
[recensere | fontem recensere]- ↑ Egli, J. J. (1893). Nomina Geographica: Sprach- und Sacherklärung von 42000 Geographischen Namen aller Erdräume. Lipsiae: Friedrich Brandstetter.
- ↑ Historia oppidi in pagina officiali Northornae[nexus deficit]
Nexus externi
[recensere | fontem recensere] |
Vicimedia Communia plura habent quae ad Northornam spectant. |