Norbertus Thilo

E Vicipaedia
(Redirectum de Norbertus Thiel)
Salire ad: navigationem, quaerere

Norbertus Thiel, sive Norbertus Silesius Thilo, die 27 Maii 1940 Lignitiae natus et vita functus die 15 Iulii (Idibus Iuliis) anno 2008, fuit magister linguae latinae, historicus, genealogus et scriptor latinus natione Germanus.

Carmina in memoriam Norberti Thiel[recensere | fontem recensere]

In memoriam Norberti Thiel ambo poetae Anna Elissa Radke et Alanus Divutius carmen pepigerunt[1].

Carmen ad Norbertum Thiel ab Anna Elysia Radke pactum[recensere | fontem recensere]

Pulchrius nil est pede praedicantis
Auream pacem populo Polono
Atque Germano, pueros docentis
Pacis amorem.
Namque patriam, prius qua profugit,
Ille visitabat et in domum suam
Hospites suscepit ab urbe missos
Lignitiensi.
Ad tuam aeternam patriam profecte,
Non Silesiam, - Elysium petisti,
In Dei, Norberte, quiesce pace,
Pacis amator!

Planctus de morte Norberti Silesii Thilonis ab Alano Divutio pactus[recensere | fontem recensere]

Fortius quam Mors nihil est in orbe,
ipse Amor nequit retinere Fata
cum semel Parcae voluere dirae
carpere vitam.
Doctus et bonus fueras, fidelis
et memor priscae patriae relictae,
Ligniti pulchri; veterumque morum
cultor honestus.
Nunc fugit nobis tua docta lingua,
qua docebas nos; Latiique regnum
luget et flemus quoque derelicti
nos tui amici.

Eius scripta[recensere | fontem recensere]

  • 1984: Aspekte jüdischer Geschichte in Jülich und Linnich, Iuliaci (Jülich), ed. Jülicher Geschichtsverein, 1984.
  • 1992: Dr. med. Franz Pohl, edidit Thiel, Norbert. - Jülich, Max-Planck-Str. 16 : [N. Thiel], 1992
  • 2005: Somnium sive poema in Ruram, Iuliaci (Jülich), ed. Joseph-Kuhl-Ges., 2005
  • 2006: Ahnenliste der Geschwister Norbert und Ingeborg Thiel (*Liegnitz/Schlesien), Iuliaci (Jülich), ed. Max-Planck-Str. 16 : N. Thiel, 2006
  • Collectanea genealogica Thieliana, Iuliaci (Jülich), ed. Max-Planck-Str. 16 : N. Thiel
  • 2003: "De itinere Europaeo Ioannis Guilelmi comitis Palatini iuvenis deque statione eius Vindobonensi a. 1676", in Melissa, n° 117, anno 2003, pp. 2-4.
  • 2004: "De itinere Europaeo Ioannis Guilelmi comitis Palatini iuvenis deque statione eius Vindobonensi a. 1676 (II)", in Melissa, n° 118, anno 2004, pp. 4-6.
  • 2005: P. von Streithagen, Somnium sive poema in Ruram. Ein Traum oder Preislied auf den Rur-Fluss, übersetz und kommentiert von Norbert Thiel mit einer Biographie des Peter von Streithagen von Günter Bers, Iuliaci (Jülich), Joseph-Kuhl-Gesellschaft, 2005.
  • 2008: "De Anna Suidnicensi (1338/39-1362) Sacri Romani Imperii imperatrice", in Melissa, n° 143, anno 2008, pp. 11-12.
  • 2008: "De Anna Suidnicensi (1338/39 - 1362) Sacri Romani Imperii imperatrice (II)", in Melissa, n° 144, anno 2008, pp. 13-16.

Notae[recensere | fontem recensere]

  1. "In memoriam Norberti Thiel", in commentariis quibus titulus Melissa, fasciculo 145°, Bruxellis, 2008, p. 6.

Nexus interni

Nexus externi[recensere | fontem recensere]


David's face Haec stipula ad scriptorem spectat. Amplifica, si potes!


Bullet yellow.png Eget haec commentatio nexum Wikidata. Quem adde si potes.