Nestor Ambodic

Res apud Vicidata repertae:

Nativitas: 27 Octobris 1744; Vepryk
Obitus: 24 Iulii 1812; Petropolis
Patria: Imperium Russicum

Nestor Maximi filius Maximovič-Ambodic vel Maximowitsch-Ambodick (Russice Нестор Макси́мович Максимо́вич-Амбодик), anno 1744 natus annoque 1812 Petropoli mortuus, fuit medicus et botanista Russicus. Pater obstetriciorum Russicorum interdum nominabatur. Nomen Latinum Ambodic (i.e. ambo dic) cepit, cum patronymicum eius idem esset, ut nomen familiare (Maximi filius Russice Maximovič dicitur).

Vita[recensere | fontem recensere]

In pago Veprik, tunc legionis Gadiacensis Exercitus Zaporoviensis Cosacici Imperii Russici et nunc districtus Gadiacensis regionis Poltavensis Ucrainae, in familia sacerdotis natus, Kioviae (in Academia Mohileana) et Argentorati educatus, Petropoli multos annos laborabat permultosque libros edidit.

Opera nonnulla[recensere | fontem recensere]

Dissertatio inauguralis anatomico-physiologica de hepate quam sub divini numinis auspicis ex consensu facultatis medicae pro licentia summos in arte medica honores atque privilegia doctoralia rite capessendi in inclyta Argentoratensium Universitate die XVIII. Maji a. MDCCLXXV. solenni eruditorum examini subjicit Nestor Maximowitsch Ambodick Ukrano-Russus. Argentorati, 1775.
Novum medico-pathologico-chirurgicum Vocabularium usibus juventutis Rossicae accomodatum; S. onomatologia morborum, eorundemque symptomatum, in corpora humano contingentium; nec non apparatuum, operationum, vincturarum instrumentorum, in chirurgia ad peragendas certas encheireses usitatorum; juxta alphabetum Latinum coordinata, adiunctis terminis artis Rossicis atque Gallicis; quam prima vice in lucem edi curavit. Nestor Maximowitsch-Ambodick, Medicinae Doctor et artis obstetriciae professor publicus. Petropoli, 1785.
Novum dictionarium botanicum Latino-Germano-Rossicum. Petropoli, 1804.
Symbolorum et emblematum liber (Russice, Latine, Francogallice, Germanice, Anglice)