Neda (Graece Νέδα) est flumen Peloponnesi, ex Arcadia per confinium Messeniae et Triphyliae (partis Elidis) fluens. In Cotylio, parte montis Lycaei oritur, circiter 31 chiliometra fluit, priusquam in sinum Cyparissium maris Ionici effunditur. Per angustias et fauces transit, ubi etiam aquas cadentes duas efficit. Urbes Phigalia, Lepreum et templum Apollinis in Bassis prope ad Nedam sitae erant. Secundum fabulas nomen a Neda nympha accepit, quae Iovem cum sororibus suis et Curetibus in Lycaeo educavit.
