Nawaz Sharif

E Vicipaedia
Wikidata Nawaz Sharif
Res apud Vicidata repertae:
Nawaz Sharif: imago
Nawaz Sharif: imago
Nawaz Sharif: subscriptio
Nawaz Sharif: subscriptio
Nativitas: 25 Decembris 1949; Lahorium
Patria: Pakistania, Britanniarum Regnum

Familia

Genitores: Muhammad Sharif;
Coniunx: Kulsoom Nawaz
Proles: Maryam Niwaz, Hussain Nawaz, Hassan Nawaz, Asma Nawaz Sharif

Mian Mahometus Nawaz Sharif sive litteris Perso-Arabicis میاں محمد نواز شریف‎ (Lahorii die 25 Decembris 1949 natus) est mercator et politicus Pakistaniae, sicut et frater natu minor Shehbaz Sharif.

Proavis Casmiriensibus ordinis Bhaṭṭa, matre etiam Casmiriensi, patre Mian Muhammad Sharif mercatore, Nawaz Sharif alumnus est scholae Sancti Antonii et collegii regiminis necnon collegii iurum universitatis Panjabensis in urbe natali. Minister vectigalium provinciae Pengabi ab anno 1981, minister principalis eiusdem provinciae ab anno 1988 fuit. Ter primus minister Pakistaniae meruit, a die 6 Novembris 1990 usque ad 18 Iulii 1993, iterum a die 17 Februarii 1997 ad 12 Octobris 1999. Hoc anno, novis rebus in Pakistania(en) motis, breviter incarceratus, in exsilium in Arabiam (petente Fahd rege Saudita) missus est sicut frater aliique cognati. Unde post sex annos reditus primus minister die 5 Iunii 2013 rursus inauguratus est. Annis insequentibus sub praesidibus Asif Ali Zardari et Mamnoon Hussain functus est. Denuo die 28 Iulii 2017, aeris alieni accusatus a curia suprema gratiá documentorum Panamensium, dimissionem suam protulit.

Bibliographia[recensere | fontem recensere]

Ministri munitionis Pakistanenses