Narratio servitutis

E Vicipaedia
Jump to navigation Jump to search
Narratio servitutis anno 1871 edita.

Narratio servitutis est genus litterarum quod in memoriis scriptis ab Africanis in servitutem in Britanniarum Regno et eius coloniis quondam redactis consistit, inter quas regiones Civitates Foederatae, Canada, et civitates Caribicae. Fere sex milia servorum ex America Septentrionali et regione Caribica eorum vitas saeculis duodevicensimo et undevicensimo enarraverunt, narrationibus in 150 fere libris vel libellis editis. In Civitatibus Foederatis per Magnam Depressionem Oeconomicam (annis 1930), plus quam 2300 additiciae historiae orales de vita servae a scriptoribus sub aegide Procurationis Progressus Operum operantes collatae et editae sunt,[1] Franklino D. Roosevelt praeside. Plurima ex viginti sex colloquia interrogatoria per machinam phonographice impressa a Bibliotheca Congressionali conservantur.

Nonnulla ex primis commentariis captivitatis in Anglia et Insulis Britannicis notis scripta sunt ab Europaeis albis et deinde ab Americanis captis et aliquando in servitutem in Africa Septentrionali redactis, plerumque a piratis Barbaris. Qui fuerunt unum ex latis narrationum captivitatis generibus litterarum ab Europaeis Angloloquentibus scriptis. Ex saeculo duodevicensimo, memorias a colonis aliisque hominibus Americanis in America Septentrionali et Civitibus Foederatis comprehenderunt qui captivi Indorum fuerunt. Nonnullae narrationes captivitatis bene notae ante Res Novas Americanas editae sunt, quae formis per narrationes captivitatis in Africa Septentrionali statutis saepe parebant. Memoriae Americanae Septentrionales scriptae sunt ab Americanis a tribubus occidentalibus per migrationes saeculo undevicensimo captis.

Distinctio captivorum servorum et captivorum belli Europaeis et Americanis non semper conspicua fuit. Latius generis nomen est litterae captivitatis. Quia servitus internationalis saeculis vicensimo et vicensimo uno persistit, narrationes additiciae iam scribuntur et eduntur.

Nexus interni

Notae[recensere | fontem recensere]

  1. Bob Greene, "America's 'Slave Narratives' should shock us," CNN, 17 Februarii 2013.

Bibliographia[recensere | fontem recensere]

  • Aljoe, Nicole N., et Ian Finseth, eds. 2014. Journeys of the slave narrative in the early Americas. Charlottesville: University of Virginia Press. ISBN 9780813936376, ISBN 9780813936383 (charta).
  • Archer, Jermaine O. 2009. Antebellum slave narratives: cultural and political expressions of Africa. Novi Eboraci: Routledge. ISBN 9780415990271, ISBN 0415990270, ISBN 9780203881682 (liber electronicus), ISBN 0203881680 (liber electronicus).
  • Heglar, Charles J. 2001. Rethinking the slave narrative: slave marriage and the narratives of Henry Bibb and William and Ellen Craft. Westport Connecticutae: Greenwood Press. ISBN 0313318751.
  • Sekora, John. et Darwin T. Turner, eds. 1982. The Art of slave narrative: original essays in criticism and theory. Macomb Illinoesiae: Western Illinois University. ISBN 0934312044.
  • Starling, Marion Wilson. 1907, 1988. The slave narrative: its place in American history. Ed. 2a. Vasingtoniae: Howard University Press. ISBN 0882581651.

Nexus externi[recensere | fontem recensere]