Myndus

E Vicipaedia
Jump to navigation Jump to search
Myndi insula leporum Turcice Gümüslük appellata.

Myndus vel Myndos (Graece Μύνδος) fuit antiqua colonia Dorica ab Troezenis condita in Caria[1], regione antiqua Asiae Minoris, (Turcia), prope Halicarnassum sita. Hodierni temporis vicus Turcicus nomine Gümüslük situm oppidi antiqui occupat.

Etiamsi oppidum temporibus antiquis numquam magni momenti fuit a scriptoribus antiquis Myndus moenia alta et portum facile navigatu habuisse dicitur[2] Et Plinius maior[3] et Stephanus Byzantinus (s. v.) cuiusdam veteris oppidi Cariorum nomine Palaemyndus mentionem faciunt, quod prope Myndum iacuisse indicant[4].

Alexander Magnus cum oppugnationem Halicarnassi urbis iniret censuit Myndum occupandum esse antequam id facere coepere posset; conatus autem oppidum vi capere a Myndiis paucis eorum iacturis acceptis repulsus est.[5]

Notae[recensere | fontem recensere]

  1. Pausanias II.30.9
  2. Strabo xiv. p. 658; Arrianus, Anab. i. 20, ii. 5.
  3. v. 29
  4. Comp. Strab. xiii. p. 611
  5. Arrian, l. c.; comp. Hecat. Fragm. 229; Polyb. xvi. 15, 21; Scylax, p. 38; Ptol. v. 2. § 9; Liv. xxxvii. 15; Hierocl. p. 687.