Modoinus

Modoinus Augustodunensis (vel Moduinus, Mautwin, natus circa annum 770; anno 840 vel 843 mortuus) fuit episcopus et poeta Latinus aevi Carolingiani.

Vita

Clericus ecclesiae sancti Georgii Lugdunensis primo fuit; ad aulam Caroli Magni aetatem degisse videtur, a Ludovico Pio episcopus Augustoduni nominatus est; ei et Carolo Calvo tempore seditionum fidelis manebat. Anno 835, Agobardo pulso epuscopus Lugdunensis factus est. Florus Lugdunensis contra Modoinum invectivam conscripsit.

Epistola elegiaca a Modoino Theodulfo Aurelianensi missa nota est et eclogae duae renovationem Carolingianam laudantes, ubi et dicitur

Aurea Roma iterum renovata renascitur orbi.

Theodulphus et Alcuinus Modoinum memorant; Walahfridus Strabo magnum eum nominat. Naso videtur Moduini cognomen inter eos fuisse.

Lexica biographica: • Deutsche Biographie •