Michael Kalinin
Obitus: 3 Iunii 1946; Moscua
Patria: Imperium Russicum, Russica Sovietica Foederativa Socialistica Res Publica, Unio Sovietica
Officium
Munus: politicus, magister
Consociatio
Religio: atheismus
Familia
Memoria
Sepultura: Kremlin Wall Necropolis
Michael Ioannis filius Kalinin (Russice Михаил Иванович Калинин, tr. Michail Ivanovič Kalinin; natus 19 Novembris (7 Novembris stylo Iuliano) 1875 in vico Verchnjaja Troica tunc gubernii et nunc regionis Tueriensis Russiae, mortuus 3 Iunii 1946 Moscuae) fuit revolutionarius Russicus et rerum politicarum peritus Sovieticus. Ipse plus quam semel damnationi mortis annuebat, e.g. in Katyn contra Polonicos militum praefectos.[1][2] Kalinin fidelis socius et iutor Iosephi Stalin fuit et multos populos e territoriis domesticis expelli et in regionibus novis collocari iussit.[3]
Vita[recensere | fontem recensere]
Anno 1893 membrum Factionis Socialdemocraticae Russiae factus est et inde ab anno 1903 communistarum assecla. Ob actiones suas in custodiam missus et anno 1904 in Siberiam in exsilium expulsus est. Unum annum post Petrogradum revenit ut rebus novis interesset. Anno 1912 candidatus fuit commissionis cenetralis et moderator periodici offcialis Pravda. Exul in Siberia denuo anno 1913 sed contigit ut fugeret et Petrogradi usque annum 1917 mensit. Et cum Lenin et cum Stalin arte labore coniunctus erat. Erat praeses Commissionis Centralis Executivae Omnirussicae (annis 1919–1938), Commissionis Centralis Executivae URSS (annis 1922–1938) et Praesidii Sovieti Supremi URSS (annis 1938–1946). Anno 1944 ornatus est titulo Herois Laboris Socialistici. Urbs Kaliningradum (olim pulchro nomine Regiomontii gaudens) et nostris diebus in eius honorem nominatur. Alia autem oppida pro eo nominata rursus nomen vetus acceperunt.
Notae[recensere | fontem recensere]
- ↑ Cf. Anna M. Cienciala, Natalia Lebedewa, Wojciech Materski: Katyn: A crime without punishment: Documents translated by Marian Schwartz, Anna M. Cienciala and Maia A. Kipp. Yale University Press, New Haven 2007, ISBN 978-0-300-10851-4, p.120
- ↑ Jan von Flocken: [1] Katyn – Stalins monströses Staatsverbrechen, commentatio apud "Die Welt" (5.2.2008)
- ↑ Tino Künzel: "Kalinin-Straße? - Eine Beleidigung für jeden Moskauer". Apud: MDZ, 4.8.2020
Nexus externi[recensere | fontem recensere]
![]() |
Vicimedia Communia plura habent quae ad Michaelem Kalinin spectant. |
![]() |
Lexica biographica: • Большая российская энциклопедия • Gran Enciclopèdia Catalana • Encyclopædia Britannica • Deutsche Biographie • Store norske leksikon |
- Pagina de Michaele Kalinin Encyclopaediae Sovieticae Magnae editionis tertiae (Russice)
- Pagina de Michaele Kalinin Encyclopaediae Russicae Magnae (Russice)
- Pagina de Michaele Kalinin in situ interretiali Heroes terrae (Russice)
- Variae commentationes de Kalinin in periodicis, apud Pressemappe collectae