Michael Czerny


Michael Czerny (Brunae natus die 18 Iulii 1946) est presbyter iesuita et a die 14 Decembris 2016 subsecretarius in Dicasterio ad integram humanam progressionem fovendam.
Die 1 Septembris 2019 Papa Franciscus nuntiavit se die 5 Octobris Czerny cardinalem creaturum esse.[1]
Vita
[recensere | fontem recensere]Natus est anno 1946 Brunae in eiusdem nominis dioecesi, tunc in Cecoslovachia, hodie in Res Publica Cecha sita. Anno 1948 cum familia in Montem Regalem (Montreal) in Canada emigravit.
Institutio et ministerium sacerdotale
[recensere | fontem recensere]In regione Americae Septentrionalis scholam 'Loyola High School' frequentavit.
Anno 1963, post diploma acceptum, Societatem Iesu ingressus est. Die 9 mensis Iunii 1973 sacerdos provinciae Iesuiticae Canadensis ordinatus est. Anno 1978 doctoratum in Studiis Interdisciplinaribus apud Universitatem Chicagiensem consecutus est. Anno 1979 Centrum Iesuiticum pro Fide et Iustitia Sociali (Jesuit Forum for Social Faith and Justice) Toronti condidit, cui usque ad annum 1989 praefuit.
Opera in America Centrali
[recensere | fontem recensere]Die 16 mensis Novembris 1989, cum sex confratres Iesuitae in Universitate Americae Centralis (UCA) apud Sanctum Salvatorem interfecti essent, illuc se contulit ut eorum vices suppleret. Ibi primum pro-rector universitatis, deinde director Instituti pro Iuribus Humanis eiusdem universitatis fuit. Inter annos 1980 et 1992 cum Nationibus Unitis active collaboravit ad solutionem belli civilis in Sancto Salvatore gerentis. Membrum fuit commissionis inquisitionis a Nationibus Unitis in Haiti missae.
Ab anno 1992 ad 2002 secretarius pro Iustitia Sociali in Curia Generali Societatis Iesu fuit. Anno 1995 XXXIV Congregationi Generali Societatis interfuit.
Ab Octobri 2018 membrum Synodi Iuvenum fuit et ab anno 2019 secretarius specialis Synodi pro Regione Pan-Amazonica de Amazonia, ubi Rete Ecclesiale Pan-Amazonica (REPAM) partes graves actura erat.
Anno 2016 Timotheo Schmalz commissit ut sculpturum Angels Unawares crearet: haec navigium migrants et profugos vehens repraesentat, qui vestibus diversarum culturarum et temporum distincti sunt. Opus in Foro Sancti Petri in Vaticano anno 2019 inauguratum est.
Die 23 mensis Septembris 2019 archiepiscopus titularis (titulo personali) Beneventi Proconsularis electus est et die 4 Octobris subsequenti in Basilica Vaticana per impositionem manuum papae Francisci consecrationem episcopalem accepit, conconsecrantibus cardinalibus Petro Parolin, Secretario Status Sanctitatis Suae, et Petro Kodwo Appiah Turkson, praefecto Dicasterii pro Servitio Progressionis Humanae Integralis.[2]
Die 5 mensis Octobris 2019 cardinalis diaconus Sancti Michaelis Archangeli creatus est, cuius diaconiae possessionem die 19 mensis Ianuarii 2020 cepit.[3] Eius crux pectoralis ex navigio naufragato, quo migrantes Mare Mediterraneum transibant, facta est.[4][5]. Crux, magnitudine notabilis, ab artifice Italo Dominico Pellegrino creata est.[6]
Die 21 mensis Februarii 2020 membrum Congregationis pro Gentium Evangelizatione nominatus est et die 8 mensis Iulii 2020 membrum Pontificii Consilii pro Dialogo Inter Religiones.
Mense Iunio 2021 iudex Praemii Zayed pro Fraternitate Humana fuit.
Die 23 mensis Decembris 2021 papa Franciscus eum praefectum ad interim Dicasterii pro Servitio Progressionis Humanae Integralis nominavit, effectu a die 1 mensis Ianuarii 2022.[7]
Mense Martio 2022, post invasionem Russicam Ucrainae, papa cardinalem Michael Czerny cum auxiliis humanitariis in Ucrainam una cum elemosynario apostolico, cardinali Konrado Krajewski misit.[8] Haec missio, quae pluribus itineribus constabat,[9][10] a diplomatia Vaticana res inusitata habita est.[11]
Die 23 mensis Aprilis 2022 papa eum praefectum Dicasterii pro Servitio Progressionis Humanae Integralis nominavit.[12]
Insignia gentilicia
[recensere | fontem recensere]Insignia eius constant ex campo viridi qui ad litteras encyclicas papae Francisci Laudato si' alludit, et ex navigio migrantibus onusto, quale Mare Mediterraneum ab Africa Septentrionali ad Europam transit.
Notae
[recensere | fontem recensere]Nexus externi
[recensere | fontem recensere]- "Curriculum vitae" e The Hierarchy of the Catholic Church (situs a Davide M. Cheney elaboratus) (Anglice)
![]() |
Haec stipula ad biographiam spectat. Amplifica, si potes! |