Michael Burghers

E Vicipaedia
Jump to navigation Jump to search
Wikidata-logo.svg Michael Burghers
Res apud Vicidata repertae:
Nativitas: 1650; Traiectum ad Rhenum
Obitus: 9 Ianuarii 1727; Oxonia
Patria: Nederlandia

Officium

Munus: Chalcographus, delineator
Patronus: David Loggan, Oxford University Press

Memoria

Sepultura: St Peter-in-the-East
Francisci Junii effigies secundum Antonii de Dyck picturam incisa (1698)

Michael Burghers (Traiecti ad Rhenum aut Amstelodami anno 1640 fere natus; 1733 aut mense Ianuario 1727 mortuus) fuit saeculi aurei chalcographus et delineationis peritus artifex Nederlandicus.

Biographia[recensere | fontem recensere]

Telluris tabula (1700)

Probabiliter Traiecti ad Rhenum[1] aut Amstelodami[2] natus[1] anno 1640 fere, Oxoniae de 1676 usque ad 1723 laboravit[1]. Attamen iam ab anno 1674 et usque ad 1725-1726 operosus erat, ut ex primo ac postumo soluto consequitur[2]. Cum Davide Loggan, cuius discipulus fortasse erat[3], in Angliam migravit[2] et anno 1673 Oxoniae consedit[2], ob Traiecti ad Rhenum expugnationem e Ludovico XIV[4]. De 1676 usque ad 1719, Oxoniae Ephemeridis omnes imagines perfecit[2][4]. Anno 1669 Loggan publicus academiae sculptor nominatus est et Burghers ob eum laborabat atque ut scuptor mense Iulio anno 1694 successit[2]. Ex Thomae Hearne sententia, cum obiit ditissimus erat et Angliae optimus chalcographus putabatur[2]. Enim ab Universitate Oxoniense ob eius chalcographias magna pecunia collatus est, usque ad fere 100 libras britannicas, quibus etiam imaginarum, quas ipse directo vendidit, fructus accesserunt[2]. Nam prelum typographicum possidebat, quo eius imaginarum parvas editiones et Universitatis operum temptationes perficiebat[2][4]. Praeter Ephemeridis imagines, etiam frontes libri, ut exempli gratia Roberti Plot De origine fontium (1685)[2] et Ioannis Miltoni Paradisi amissi editionis anni 1688 imagines a Ioannis Baptistae Medina delineationibus sculptas confecit[5]. Aedificiorum novorum apud Collegium Reginae multos parvos conspectus perfecit et vetusti sacelli tabulam exactam delineavit priusquam dirutum est[6]. Praeter novarum tabularum effectionem, alias iam existentes refecit et imagines perfecit[2].

In primis effigies incidit[1]. Eius operum sculpendi ratio incisionis artem traditam denotat et transitus mollis a lineis gravibus ad lineas tenues una excisione magnam peritiam et habilitatem confirmat[2]. Ex Michaelis Bryan sententia, autem, imagines incidendi rationem duram et elegantiae cassam denotant[4], sed considerare oportet ut, iam post paucas imagines, operis singula elegantissima amittebantur[2]. Delineationes tabulis praeparatoriae perficiuntur sic ut chalcographias conficeret paene sine commutationibus et umbrae a punctis et lineis describuntur[2].

Huius artificis opera antiquitates conservaverunt, quae aliter amittuntur[4]. Burghers, interdum, eius opera MB obsignavat[7][4].

Ioannis Webb uxor aegra (1700 fere)

Opera[recensere | fontem recensere]

Notae[recensere | fontem recensere]

Bibliographia[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Michaelem Burghers spectant.