Mechanica quantica

Feles Schrödinger cuius vita incerta est ob effectum quanticum.

Mechanica quantica vel physica quantica (seu cum nomine adiectivo quantalis) vel physica quantorum est theoria physica saeculo 20 creata, quum physici invenissent mechanicam classicam non satis esse ad atomos vel particulas microscopicas earumque motus describendas. Theoria dehinc creata, maxima cum precisione experimentali verificata, adamussim tales particulas eorumque “motus” describit.

Verumtamen theoria solummodo probabilitates eventorum dat, at nullam interpretationem profundam phaenomenorum quanticorum, de qua multae controversiae metaphysicae apud physicos ortae sunt. Etiam ab anno 1976 usque ad annum 2007 experimenta quasdam incompatibilitates cum theoria relativitatis Einsteinianae demonsta sunt, quae inlocalitas nominatur. Multi physici igitur, ut ea incompatibilitas submoveatur et ut interpretatio satisfactoria proveatur, investigationes relativisticas quanticasque hodie extendunt.

Terminologia

Verba quantica et quantalis ad descriptiones adhibentur quod energia inter particulas, apparatus et campos physicos semper in quantitatibus discretis vel demensis translata est. Physici quidem hodie omnes particulas elementarias putant esse quantitates energiae in transitu; et, quod energia in transitu undas quoque certo sensu significat, oportet mechanicam quanticam comprehendere leges undarum particularumque.

Formae mechanicae quanticae

Particulae in duo foramina inter ea proxima ineuntes figuram ingerentiae in remota pariete gignunt.

• Leges motus quanticae hodiernae
• Theoria chordarum
• Theoria photonica Einstein-Planck
• Theoria quantica Bohriana
• Theoria undulatoria Schrödingeriana
• Theoria undarum gubernatoriarum De Broglie-Bohm
• Theoria camporum quanticorum
• Chemia quantica
• Aliae theoriae quanticae

Notiones fundamentales mechanicae quanticae

Sunt multae notiones quae specialiter ad mechanicam quanticam spectant:

• constans Planckiana
• status proprius
• valor proprius
• functio undulatoria
• ingerentia
• inlocalitas
• operator Hamiltonianus
• principicum incertitudinis Heisenbergianum
• Teleportatio quantica
• vector quanticus

Physici quantici celebres

• Nicolaus Bohr
• Maximus Born
• Ludovicus Victor de Broglie
• Paulus Dirac
• Albertus Einstein
• Ricardus Feynman
• Werner Heisenberg
• Volfgangus Pauli
• Maximilianus Planck
• Ernestus Rutherford
• Ervinus Schrödinger

Nexus interni

• Mundana Dies Quantica

Nexus externi

Vicimedia Communia plura habent quae ad mechanicam quanticam spectant.

Fontes Anglici

• Davies, Paul, cum David S. Betts. 1994. Quantum Mechanics. Ed. secunda. CRC Press.
• Dirac, P. A. M. 1930. The Principles of Quantum Mechanics. Oxoniae: Oxford University Press. ISBN 0-19-852011-5.
• Feynman, Richard P. QED: The Strange Theory of Light and Matter.—Liber celeber de physica quantica campoque quantico, pro peritis novitiisque.
• Griffiths, David J. 1995. Introduction to Quantum Mechanics. Prentice Hall. ISBN 0-13-124405-1.
• Smolin, Lee. 2001. Three Roads to Quantum Gravity. ISBN 0-465-07835-4.

Fontes Latini

• Berard, Stephanus. De Philosophia Quantali et Institutione Publica. ISBN 2-87290-022-5. Libri, apud users.skynet.be. Hoc libro, per Fundationem Melissae divulgato, Stephanus Berard, apud users.skynet.be.
• Soccorsi, Philippus. 1956. Quaestiones scientificae cum philosophia coniunctae: De physica quantica. Romae, Pontificia Universitas Gregoriana.