Marshall David Sahlins

Marshall David Sahlins (natus Sicagi Illinoesiae 27 Decembris 1930) est anthropologus Americanus. Gradus B.A. et M.A. in Universitate Michiganiae, a Leslio White doctus, accepit. Gradum Ph.D. in Universitate Columbiana anno 1954 accepit, praecipue motus a Carolo Polanyi et Iuliano Steward. Ad Universitatem Michiganiam rediit ut ibi doceret. Annis 1960 factus est recusator politicalis, potissimum contra Bellum Indosinense II. Habitavit annis 1960 exeuntibus Lutetiae, ubi Francicae mentis industriam recta didiscit, praesertim opus Claudii Lévi-Strauss et recusationes discipulorum Mense 1968. Anno 1973, ad Universitatem Sicago migravit, ubi est egregius anthropologiae professor Caroli F. Grey, emeritus.

Sahlins praecipue studuit potestati qua cultura iudicia actionesque hominum format. Magnopere voluit probare culturam habere unicam ad homines "motivandos" vim, quae non ex biologia deducitur. Primum conatus est notionem "hominis oeconomici" refutare, demonstrando systemata oeconomica ad circumiecta singularia in propriis culturae modis se accommodare. Anno 1976, libro Culture and Practical Reason divulgato, relationi inter historiam et anthropologiam, et modis quibus culturae historiam comprehendunt et faciunt, studere coepit. Quamquam is totum Oceanum Pacificum attendit, plerumque culturas Vitienses et Havaienses investigavit.

Sahlins in Evolution and Culture (1960) notiones evolutionis culturalis et neoevolutionismi attigit, et evolutionem societatum in "generalem" et "specificam" divisit. Evolutio generalis est inclinatio systematum culturalium socialiumque ad statum auctum multiplicitatis, ordinationis, et accommodationis ad circumiectum; attamen cum culturae non remotae essent, eorum "qualitates" commutantur et diffunduntur, sicut inventiones technologicae. Culturae ergo variis modis evolvuntur, dum variae res ad eos coniunctionibus variis variisque evolutionis stationibus introducuntur.

Anno 2001, Sahlins factus est qui libros edendos parvo prelo nominato Prickly Paradigm curat.

Nexus interni

• Anthropologia oeconomica
• Prima Societas Adfluens
• Venatio et collectio

Libri

• 1958. Social Stratification in Polynesia.
• 1962. Moala: Culture and Nature on a Fijian Island.
• 1960. Evolution and Culture. (Ed.)
• 1974. Stone Age Economics. ISBN 0422745308.
• 1968. Tribesmen.
• 1976. Culture and Practical Reason ISBN 0226733599.
• 1976. The Use and Abuse of Biology. ISBN 0472087770.
• 1981. Historical Metaphors and Mythical Realities. ISBN 0472027212.
• 1999. Waiting For Foucault. ISBN 1891754114.
• 1985. Islands of History. ISBN 0226733572.
• 1992. Anahulu: The Anthropology of History in the Kingdom of Hawaii. ISBN 0226733637.
• 1995. How "Natives" Think: About Captain Cook, for Example. ISBN 0-226-73368-8.
• 2000. Culture in Practice. ISBN 094229937X.
• 2004. Apologies to Thucydides: Understanding History as Culture and Vice Versa. ISBN 0226734005.
• 2008. The Western Illusion of Human Nature ISBN 9780979405723.

Nexus externi

• Prima Societas Adfluens
• Faculty Page ex Situ Facultatis Partis Anthropologiae Universitatis Sicagi
• http://www.mnsu.edu/emuseum/information/biography/pqrst/sahlins_marshall.html
• Waiting for Foucault, Still, libellus divulgatus anno 2002 a Prickly Paradigm.
• Poor Man, Rich Man, Big Man, Chief: Political types in Melanesia and Polynesia

De controversia cum Obeyesekere (vide etiam Mors Cook, de reinventione anno 2004 primae picturae, a Ioanne Cleveley Minoris facta, Cook minus "idealizatum" monstrans:

• http://www.ahs.cqu.edu.au/humanities/history/52148/modules/pacific_peoplesC.html#obey
• http://www.snarkout.org/archives/2004/07/20/