Maria Ludovica Beck

Maria Ludovica Beck

Maria Ludovica (Theod. Marieluise) Beck (nata 25 Iunii 1952 oppido Bramsche/Saxonia Inferior) rerum politicarum perita Theodisca et sodalis Viridum factionis est.

Iuventus et munus

Anno 1970 testimonium maturitatis adepta est et deinde Biliveldae atque Heidelbergae litteris Theodiscis, historiae atque rebus politicis studebat, ut magistra scholae fieret. Hoc munere deinde Phorcae Bremaeque fungebatur.

Familia

Beck bis nupsit et ad annum 1989 e primo marito nomen Beck-Oberdorf tulit. Tum alio marito nupsit, quocum duas filias habet.

Cursus honorum

Beck ab anno 1980 sodalis Viridum est et anno 1983 primo legata ad Dietam Foederalem Germaniae electa est. Anno 1985 parlamentum reliquit, quod tum virides censuerunt esse melius, si legati non plus quam duos annos officio fungerent. Anno 1987 iterum electa est et ad annum 1990 in Dieta Foederali mansit. Annis 1991 - 1994 legata ad Civitatem Urbis Hanseaticae Bremae erat. Ab anno 1994 iterum legata Dietae Foederalis est.

Nexus externi

Vicimedia Communia plura habent quae ad Maria Ludovica Beck spectant.

• Pagina personalis (lingua Theodisca)
• Biographia in pagina Dietae Foederalis Germaniae (lingua Theodisca)