Mahometus Déby
Mahometus Déby
Mahometus Idris Déby vel litteris Arabicis محمد إدريس ديبي, cognomine Itno,[1] (Massakory in urbe die 1 Ianuarii 1984 natus) est politicus Tzadiae.
Pater Idriss Déby, praeses futurus, anno 1984 sectator principalis duxque exercituum fuit rebellatoris Hissène Habré. Puerulus mox Kaka nuncupatus est (scilicet "Avia") quia, matre e populo nomadica Daza oriunda, ab avia paterna educatus est.[2]Alumnus est lycei militaris Aquissextiensis(fr) in Francia scholarumque militarium Tzadiensium. Iussu patris ad cohortem praesidalem missus est, ubi tumultibus pluribus sedatis virtutem satis monstravit. Anno 2013 inter duces exercitus Tchadiensis in Malia contra terroristas Islamicos pugnantis innotuit. Ab anno insequenti, in Tzadiam reditus, praefectus cohortus praesidalis promotus est.
Patre die 20 Aprilis 2021 interfecto, statim consilium militare transitionis convocavit, quo adnuente se praesidem proclamavit. Uxorum tertia, nomine Dahabaye oumar Souni(fr), ex eadem gente Daza e qua mater orta erat,[3] consiliaria iuxta media meret[4] et première dame ("prima domina Tzadiae") a diurnariis nonnumquam nuncupatur.[5]
Notae[recensere | fontem recensere]
- ↑ Bamada (2013); pater cognomen Itno anno fere 2005 assumpsit
- ↑ L'Express (2021); Boisbouvier (2013); cf. "Idriss Deby's son Kaka named interim head of state, says army spokesman"
- ↑ L'Express (2021)
- ↑ Secretariat
- ↑ "Tchad: voici Dahabay oumar Souni, la communicante et 3è épouse du président du CMT" (8 Maii 2021) apud CamerounWeb
Bibliographia[recensere | fontem recensere]
- "Passé en France, appelé "grand-mère"... Le CV de Mahamat Idriss Déby, nouvel homme fort du Tchad" in L'Express (21 Aprilis 2021) Situs venalis
- Christophe Boisbouvier, "Armée tchadienne : Mahamat Idriss Déby Itno, un monsieur très discret" in Jeune Afrique (14 Februarii 2013) Situs venalis
Nexus externi[recensere | fontem recensere]
|
|
Lexica biographica: Treccani • Store norske leksikon |
- "Le général Mahamat Idriss Déby Itno, 29 ans et fils d'Idriss Déby, commande la force tchadienne au Mali" (16 Februarii 2013) apud Bamada.net
- John Irish, Tangi Salaün, "With eye on Islamist fight, France backs Chad military takeover" (22 Aprilis 2021) apud Reuters
- Vita apud praesidium Tzadiense
- Vita apud Consilium Militare
 | |
|
Franciscus Tombalbaye 1960 • Noël Milarew Odingar 1975 • Felix Malloum 1975 • Lol Mohammed Chawa 1979 • Goukouni Oueddei 1979 • Hissène Habré 1982 • Idriss Déby 1990 • Mahometus Déby 2021 Capsae cognatae: Primi ministri Tzadiae | |