Magnum Palatium

-5 (magnopere corrigenda) Latinitas huius paginae magnopere corrigenda est. Si potes, corrige vel rescribe. Vide {{latinitas}}.

Magnum Palatium^[1] (Francogallice Grand Palais) est monumentum Parisiense in margine Camporum Elysiorum situm, Parvo Palatio adversum, quod Via Winston Churchill in Arrotundimento VIII separatur. Eius area geometrica, 77 000 metrorum quadratorum patens, coetibus sollemnibus et expositionibus publicis destinatur.

Historia

Magnum Palatium Bellarum Artium (Francogallice Grand Palais des Beaux-Arts) Lutetiae anno 1897 aedificari coeptum est pro Expositione universali quae a die 15 Aprilis ad diem 12 Novembris 1900 habenda erat^?, in loco Palatii Industriae anno 1855 constructi. "Monumentum a republica ad gloriam artis Francicae consecratum" ut fastigium alae occidentalis (Palatium Inventae) declarat, eo consilio conditum est^? ut magnae manifestationes artisticae publicae urbis ibi haberentur.^?

Le Corbusier Magnum Palatium demoliri volebat ut^? in eius loco Museum Artis Saeculi Vicesimi aedificaret, quod opus Andreas Malraux ei mandaverat^?. Mors tamen architecti, die 27 Augusti 1965, propositum ad irritum redegit.

Decreto diei 12 Iunii 1975, navis inter monumenta historica relata est. Novo decreto, die 6 Novembris 2000 sancito, Magnum Palatium integrum tutela publica comprehensum est.^?

Architectura

Navis principalis, ducenta quadraginta fere metra longa, spatium imponens efficit quod per vitream testudinem lucem accipit. Camera cum navibus septentrionalibus et meridionalibus paulo minoribus et navi transversa (paddock), cupula super pendentivis posita et tholi pondus ferunt circiter 8500 tonnas chalybis, ferri vitrique. Pondus totum metalli adhibiti ad 9057 tonnas pervenit (cum in Statione Orsay 12000 tonnae, in Turre Eiffelia 7300 tonnae sint). Summa altitudo ad 45 metra attollitur.

Porticus a Deglane concepta, ad exemplar porticus Claudii Perrault in Lupara factae, sed minus eleganter, bene celat, sicut in Statione Orsay ab Victore Laloux eadem occasione aedificata, structuram metallicam summa arte innovatam.

Hoc aedificium exemplar est^? eclecticismi proprium styli Beaux-Arts. Magnum Palatium non solum est summum opus^? Pulchrae Epochae, sed etiam ostendit finem quendam rationis architectonicae in qua magister operis, simul artifex et technicus, principatum obtinet.

Facies principalis ab^? Henrico Deglane disposita.

Sculpturae

Quadrigae ex cupro caelato a Georgio Récipon factae duo fastigia coronant, alterum ad septentriones et orientem, alterum ad meridiem et orientem spectans, ubi viae novae patent. Haec opera allegorica, quae ad quadraginta metrorum altitudinem surgunt, repraesentant:
- in latere Camporum Elysiorum: Immortalitas Tempus antecedens;
- in latere Sequanae: Harmonia Discordiam superans.
Opera in aere facta Victori Peter et Alexandro Falguière debentur.

Salae technicae

Sala Automobilis (ab 1901 ad 1961);
Concursus Lépine;
Sala Machinarum agricolarum et horticularum;
Sala Nautica Internationalis;
Expositio Internationalis Locomotionis Aëriae (ab 1909 ad 1952).

Salae commerciales

Sala Artium officinalium, antea Sala Apparatuum officinalium (ab 1926 ad 1960, intermissa ab 1940 ad 1947);
Sala Habitationis;
Sala Qualitatis Francicae;
Sala Franciae Transmarinae (annis 1939 et 1940);
Sala Pueritiae;
Forum Parisiense;
Forum Internationale Artis Contemporaneae (FIAC);
Sala Libraria (ab 1981 ad 1991);
Sala internationalis librorum rarorum, autographorum, imaginum impressarum et delineationum post 2007;
Sala musicae classicae et jazz (Musicora).