Lycaeus

Sanctuarii Iovis Lycaei in monte Lycaeo reliquiae.

Lycaeus (Graece Λύκαιον), hodie saepe Diaphortium (Neograece Διαφόρτι) est mons Peloponnesi in Arcadia austroccidentali inter vallem Alphei superioris et sinum Cyparissium in confinio cum Messenia situs. Iugorum Taygeti continuatio boreoccidentalis est. Cacumen Lycaei altissimum 1421 m altitudinis est.

In Lycaeo sanctuarium Iovis Lycaei antiquissimum et totius Arcadiae commune fuit. Hic in antro secundum Arcades Iuppiter et natus est et a nymphis Neda, Phisoa et Hagno nutritus. Neda est flumen vicinum et Phisoa urbs. In cacumine Lycaei adytum erat omnibus prohibitum. Altera urbs sub Lycaeo fuit Lycosura a Lycaone rege fabuloso condita; Lycosurae feriae Lycaea nuncupata agebantur. Aliud sanctuarium in Lycaeo Pani dedicatum erat.

Nexus externi

Situs geographici et historici: Locus: 37°27′25″N 21°58′30″E • GeoNames • Digital Atlas of the Roman Empire • Pleiades