Lucius Anicius Gallus
Lucius Anicius Gallus (natus saeculo 3 aut 2 a.C.n., mortuus post annum 154 a.C.n.) fuit rerum politicarum peritus Romanus saeculo II a.C.n. ineunte, novus homo, qui de rege Genthio triumphavit, annoque 160 consul meruit.
Cursus honorum[recensere | fontem recensere]
Praetor peregrinus anno 168 in Bello Macedonico tertio in Illyria contra Genthium pugnavit, regis Persei socium; inter 30 dies Scodrae obsessum debellavit et cepit[1]. Anno insequenti iussu Senatus quinquevir de Epiro et Illyrico iudicavit[2]. Triumphus eius paullo post illum ab L. Aemilio Paullo actum anno 166 a.C.n. ineunte celebratum est. Anno 160 una cum Marco Cornelio Cethego consul erat. Anno 154 a.C.n. decemvir meruit ad res inter Prusiam II et Attalum II ordinandas[3].
Annus consulatus L. Anicii Galli famosus apud posteriores erat ob vinum Anicianum excellens hoc anno natum.
Fontes[recensere | fontem recensere]
- Titus Livius, Ab Urbe condita 44.30-32; 45.26, 35, 43
- Polybius, Historiae 30.22/14 (apud Athenaei Deipnosophistas 615a); 33.12-13 (de legatione, sine nomine Anicii)
Bibliographia[recensere | fontem recensere]
- Elimar Klebs: Anicius 15. In: Paulys Realencyclopädie der classischen Altertumswissenschaft (RE). Band I,2, Stuttgart 1894, Sp. 2197–2198.
- Carolus-Ludovicus Elvers, "A. Gallus, L." in Der Neue Pauly vol. 1 (Stutgardiae: Metzler, 1996. ISBN 3-476-01471-1) col. 703.
Notae[recensere | fontem recensere]
- ↑ Titus Livius, Ab urbe condita, XLIV 21,4-10
- ↑ Titus Livius, op.cit. XLV 16,2
- ↑ Polybius, Historiae XXXIII 7,1-4; 12,1-13,4
| Antecessores: Marcus Valerius Messalla et Gaius Fannius Strabo |
Consul 160 a.C.n. cum Marco Cornelio Cethego |
Successores: Gnaeus Cornelius Dolabella et Marcus Fulvius Nobilior |
