Lonchura striata

E Vicipaedia
Jump to navigation Jump to search
Lonchura striata striata
Lonchura striata striata
Conservationis status
Taxinomia
Regnum: Animalia
Phylum: Chordata
Classis: Aves
Ordo: Passeriformes
Familia: Estrildidae
Genus: Lonchura
Species: L. striata
Binomen
Lonchura striata
Linnaeus, 1766 [2]
Habitationes L. striatae

Lonchura striata est avis passeriformis familiae Estrildidarum.

Proprietates[recensere | fontem recensere]

Lonchurae striatae sunt parvae aviculae, 9–12 cm longae, robustis rostris cinereis atque subtilibus austerisque caudis, nec non dorsis et pectoribus fuscis atque floridioribus ventribus.

Non differunt pro sexu: feminae et mares vero simillimi visu, nisi quod maribus capita solidiora sunt feminarum illis;[3] tamen differitates nonnullae ad colores pertinentes inter subspecies sunt.

Habitatio[recensere | fontem recensere]

Harum avium habitationes per Asiam orientalem meridionalemque patent; greges in Iaponiam invecti sunt.[4] Tesqua et silvas et dumeta inhabitant.

Subspecies L. s. domestica non potest in locis naturalibus inveniri, cum alta artificiose sit.

Habitus[recensere | fontem recensere]

In densos congregant greges, quae non numquam conspici possunt in ruris, plerumque cum sint granivorae aves.

Tametsi ambo sexus prope indiscernibiles sunt visu, solum mares levem dant cantum, sufflando pectus et caudam dilatando quasi flabellum. Nidum, qui saepe est in cavo arboreo, farciunt herbis et ramusculis. Deponunt 3–8 ova, quae 13–16 dies incubantur.

Subspecies[recensere | fontem recensere]

Lonchura striata striata
Lonchurae striatae domesticae et nidus cum pullis
Lonchura striata acuticauda

L. striatae pro habitatione dividintur: [5]

  • Lonchura striata acuticauda (Hodgson, 1836) – Indiam septentrionalem, Butaniam et Nepaliam inhabitat.
  • Lonchura (striata) domestica – Sunt qui dicant hanc altam esse alias Lonchuras iungendo?;[6][7][8] alii autem L. domesticam, quarum sunt plurimae varietates colorum, formam esse domesticam L. s. striatae. [9] Ample in captivitate retinetur, cum apta mirabiliter sit ad alendas omnium generum avium proles.
  • Lonchura striata fumigata (Walden, 1873) – Insulas Oceani Indici septentrio-orientalis incolens.
  • Lonchura striata semistriata (Hume, 1874) – Insulas Oceani Indici orientalis incolens.
  • Lonchura striata striata (Linnaeus, 1766) – Indiam meridionalem inhabitat.
  • Lonchura striata subsquamicollis (Baker, ECS, 1925) – Augetur in locis per Sinas austro-occidentales patentibus.
  • Lonchura striata swinhoei (Cabanis, 1882) – Sinas orientales inhabitat et Insulam Formosam.

Fontes[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Lonchuram striatam spectant.

Notae[recensere | fontem recensere]

  1. Lonchura striata apud IUCN Indicem Rubrum (mense Novembri 2012).
  2. Lonchura striata – IUCN Red List
  3. Grimmet, op.cit.
  4. Tabula habitationum Lonchurae striatae.
  5. http://www.worldbirdnames.org/n-weavers.html
  6. Alderton, David (1998): The Complete Guide to Bird Care. Howell Book House. p. 24. ISBN 0-87605-038-0.
  7. Rogers, Cyril; Clear, Val (1975). Encyclopedia of Cage and Aviary Birds. Macmillan. p. 117.
  8. Club Italiano Passero del Giappone -- Storia del PdG.
  9. De L.s. domestica apud www.drsfostersmith.com