Squid Game
Squid Game (Coreanice 오징어 게임 'Ludus Loliginis'; titulo primo Certamen Sextum[1]) est series televisifica Coreanica meridiana dystopica generis suspensivi et actionis, a Hwang Dong-hyuk creata, scripta et directa pro Netflix. Series circa certamen secretum versatur, ubi 456 certatores, omnes difficultatibus pecuniariis gravibus pressi, vitas suas periclitantur ut ludos pueriles letales pro praemio 45.6 bn won lucrando ludant. Titulus seriei ex ludo puerili Coreanico ojingeo ("loligo") derivatur. Lee Jung-jae, qui protagonistam seriei Seong Gi-hun agit, gregem histrionum ducit.
Hwang ideam ex suis ipsius difficultatibus oeconomicis concepit, necnon ex disparitate classium in Corea Meridiana et capitalismo.[2][3] Quamquam fabulam anno 2009 scripsit, Hwang societatem productricem ad ideam pecunia sustentandam invenire non potuit donec Netflix circa annum 2019 interesse coepit, ut programmata sua peregrina augeret.
Prima series Ludi Loliginis die 17 Septembris 2021 per totum orbem terrarum edita est, laudibus criticorum et attentione internationali recepta. Maxime spectata series Netflix facta est et multa praemia accepit, inclusis sex Praemiis Emmy et uno Globo Aureo. Productio secundae seriei mense Iulio 2023 incepta est et die 26 Decembris 2024 edita. Tertia seriesque ultima una cum secunda serie filmata est et die 27 Iunii 2025 edenda est.
Nexus externi
[recensere | fontem recensere]Notae
[recensere | fontem recensere]- ↑ Certamen Sextum ut nomen spectaculi in Brasilia et Canada adhibetur.Kondo, Beatrix (2025-01-06). Why Squid Game is called Round 6 in Brazil and Season 2 connection. . Soapcentral.com; Why is it called the Squid Game?. . SK Pop by Sportskeeda. 2024-12-10; Saiba porque "Round 6" só tem este nome no Brasil (e no Canadá). . Terra. 2021-10-07
- ↑ Frater, Patrick (September 24, 2021). "'Squid Game' Director Hwang Dong-hyuk on Netflix's Hit Korean Series and Prospects for a Sequel (EXCLUSIVE)". Variety.com
- ↑ Jefferies, Stuart (October 26, 2021). "Squid Game's creator: 'I'm not that rich. It's not like Netflix paid me a bonus'". The Guardian