Carmen Limericum

Carmen Limericum (Anglice: limerick) est genus artis poeticae, quo de rebus venereis saepius lascivitur cum satura et verso intercalari, pupulum factum est a Eduardo Lear.

Omnia limerica quinque versus habent, rimae systematis a-a-b-b-a.

Versus I, II et V tres, III et IV duos pedes habent. In plurimis limericis, pedes sunt anapaesti; videlicet, componuntur omnia duabus syllabis lenibus, tum una syllaba forti.

Magna copia limericorum scribendorum:

• Dictionario Oxoniensis Linguae Anglicae in Forma Limericorum

Explanatio numerorum altera

Constat limericum, siquod Latinis versibus componatur, in carminibus generis lyrici esse numerandum. Cuius quasi fundamentum versus esse Pherecrateus videtur. Stropha limerica ex duobus versibus Pherecrateis dactylo singulo post basin Aeolicam interposito acephalis, duobus versibus Pherecrateis acephalis catalecticis, uno versu Pherecrateo dactylo singulo post basin Aeolicam interposito acephalo constat (2 _^pher^da, 2 _^pher_^, _^pher^da). Versuum autem tam primi, alterius, extremi quam tertii quartique syllabas extremas consonare oportet.

Exempla

Limericum Thomae Aquinatis

Thomas Aquinas primus inventor limerici fuisse, sed rudioris, videtur:

Sit vitiorum meorum evacuatio

Concupiscentiae et libidinis exterminatio

Caritatis et patientiae

Humilitatis et obedientiae

Omniumque virtutum augmentatio.

Limerica philosophica numeris nondum excultis conscripta

Eadem mente Peter Gerloff hos versus confecit:

O permaledicta pigritia,

quae generat omnia vitia!

Legentes hoc ter

habebitis per

exemplum absurda delicia.

et resignans:

Industrius quidam poeta

desiderans carmina laeta

exhaustus est sic,

ut facie hic

aequaverit sua deleta.

Limerica lasciviora

Ad Macrobii saturnalium l.2., c.4., § 6.:

Miles pueros futuisse

iussus reus est abiisse:

patris puduit.

Caesar monuit:

"Dic me tibi displicuisse!"

De Iolanthae deliciis:

"Cur me, mea cura, Iolantha,

spernis miserum?"—"Tibi quanta

et quam sapiens

est, Postume, mens!

Sed non tua mentula tanta est."