Amor docet musicam
(Redirectum de Liebe lehrt tanzen)
Amor docet musicam est sententia Graece, Latine, interdum et linguis vulgaribus nota. Primum fortasse in versibus Euripidis refertur, e tragoedia incerta servatis, sub forma ποιητὴν δ' ἄρα Ἔρως διδάσκει ("at enim poëtam Eros docet");[1] unde repetiverunt Aristophanes in Vespis[2] et Plato in Symposium.[3] De hac sententia disputat Plutarchus in Quaestionibus convivalibus.[4] Sub forma "Amor docet musicam" reperitur Latine in congerie adagiorum Erasmi[5], et iam antea in proverbiorum Graecorum collectaneo Apostolii.[6] Francogallice reperitur a saeculo XV "Amour apprend aux ânes à danser" ("Amor asinis saltare docet"), Theodisce "Liebe lehrt tanzen".[7]
Notae[recensere | fontem recensere]
Bibliographia[recensere | fontem recensere]
- Samuel Singer, Thesaurus Proverbiorum Medii Aevi. Vol. 7 (Berolini: De Gruyter, 1998. ISBN 3-11-016119-2) p. 413 Paginae selectae
De hac re nexus intervici usque adhuc absunt. Adde, si reppereris.