Lead Belly

E Vicipaedia
(Redirectum de Leadbelly)
Salire ad: navigationem, quaerere
Lead Belly harmonio canit.

Huddie Gulielmus Ledbetter (natus Huddie William Ledbetter Mooringsport in vico Ludovicianae, 20 Ianuarii 1888; mortuus Novi Eboraci 6 Decembris 1949) fuit musicus vulgaris et blues Americanus, qui ob vocem validam, sollertiam citharae chordarum duodecim, carmen "Goodnight, Irene," et librum carminum normarum vulgarium quas introduxerat innotuit. Usitate Lead Belly[1] nomine scaenico appellatur. Multi disci eum Leadbelly appellant; ipse autem Lead Belly scripsit. Hoc praeterea est nomen in eius stela sculptum,[2][3] parsque nominis Societatis Fundatae Leadbellianae (Anglice Lead Belly Foundation).[4]

Lead Belly, quamquam cithara chordarum duodecim canere solebat, clavile, mandolina, harmonica, violina, et windjammer (harmonio diatonico) quoque canere poterat.[5] In nonnullis discis, canit cum manus complodit vel pedem supplodit.

Res in musica a Lead Belly commemoratae variissimae fuerunt, inter quas musica evangelii; blues de mulieribus, potionibus alcoholicis, vita carceraria, et rassismo; et carmina vulgaria de bubulcis, carcere, opere, nautis, congregatione boum, et saltatione. Carmina etiam composuit de hominibus suo tempore notabilibus, sicut Franklinius Delano Roosevelt, Adolfus Hitler, Ioanna Harlow, Pueri Scottsburgenses, Howardus Hughes. Lead Belly in Aula Famae Rock and Roll anno 1988 et Aula Famae Musicae Ludovocianae anno 2008 inductus est.

Fortuna[recensere | fontem recensere]

Charta perscriptionis dilectus militaris per bellum mundanum.
Ergastulum Civicum Ludovicianae, carcer ubi Lead Belly degit.
Lead Belly et Martha Promise Ledbetter uxor, Wiltoniae Connecticutae Februario 1935.

Opera Leadbelliana late a musicis posterioribus acta sunt, inter quos fuerunt Robertus Dylan, Brian Wilson, Delaney Davidson, Thomas Russell, Lonnie Donegan, Bryan Ferry ("Goodnight, Irene"), The Beach Boys ("Cotton Fields"), Creedence Clearwater Revival ("Midnight Special," "Cotton Fields"), Elvis Presley,[6] ABBA, Petrus Seeger, The Weavers,[7] Harrius Belafonte, Franciscus Sinatra, The Animals, Jay Farrar, Ioannes Cash, Thomas Petty, Dr. John, Ry Cooder, David Graham, Maria Muldaur, Rory Block, Grateful Dead, Eugenius Autry, Odetta, Gulielmus Childish (qui filium Huddie nominavit), Mungo Jerry, Paulus King, Led Zeppelin ("Gallows Pole"), Van Morrison, Michaela Shocked, Thomas Waits ("Goodnight, Irene"), Scott H. Biram, Ronaldus Sexsmith, British Sea Power, Rodericus Stewart, Ernestus Tubb, Nick Cave and the Bad Seeds, Ram Jam ("Black Betty"), Blind Willies ("In the Pines"), The White Stripes ("Boll Weevil"), The Fall, Hole, Smog, Old Crow Medicine Show, Spiderbait, Meat Loaf, Ministry, Raffi, Rasputina, Rory Gallagher ("Out on the Western Plains"), The Sensational Alex Harvey Band, Deer Tick, Hugh Laurie, X, Gulielmus Frisell, Koerner, Ray & Glover, Red Hot Chili Peppers, Nirvana, Meat Puppets, Marcus Lanegan, WZRD ("Where Did You Sleep Last Night"), Keith Richards, et Philippus Lee ("I Got Stripes").[8]

Notae[recensere | fontem recensere]

  1. Ad verbum 'Venter Plumbeus' significans.
  2. Find a Grave 6121635 =Huddie William "Lead Belly" Ledbetter.
  3. "Delta Blues.net" .
  4. Lead Belly Foundation, www.leadbelly.org.
  5. Snyder 1994.
  6. "Elvis Presley & Johnny Cash: Together: Elvis Presley/Johnny Cash". AllMusic .
  7. Gilliland, Show 1: Play a Simple Melody: American pop music in the early fifties.
  8. "Leadbelly Covers [MIXTAPE"] .

Bibliographia[recensere | fontem recensere]

  • Garvin, Richard M., et Edmond G. Addeo. 1971. The midnight special: the legend of Leadbelly. Novi Eboraci: B. Geis Associates.
  • Lornell, Kip, et Charles Wolfe. 1999. The Life and Legend of Leadbelly. Novi Eboraci: Da Capo Press. ISBN 030680896X.
  • Snyder, Jared. 1994. Leadbelly and His Windjammer: Examining the African American Button Accordion Tradition. American Music 12(2):148–166. JSTOR 3052520.
  • White, Gary, David Stuart, et Elyn Aviva. 2001. Music in Our World. Bostoniae: McGraw Hill. ISBN 0070272123.

Nexus externi[recensere | fontem recensere]

Commons-logo.svg Vicimedia Communia plura habent quae ad Lead Belly spectant.