Lingua Lettonica

Tabula geographica, quae demonsrat, ubi homines cotidie Lettonice loquantur. Quo caeruleosior color, eo plus Lettonica adhibetur.

Lingua Lettonica est una ex tribus linguis, quae ad Balticum ramulum linguarum Indoeuropaearum pertinent. Artissima quidem affinitate linguistica Lithuanicae coniungitur, verum linguae litterariae non iam mutuo intelleguntur, quamquam dialecti finitimae inter se satis sunt intelligibiles.

Loci

Lingua Lettonica est lingua publica Lettoniae.

Grammatica

Generalia

In Lettonica, paucis modo verbis exceptis, prima syllaba acuitur. Articuli desunt. Ordo verborum principalis est subiectum—verbum—obiectum, sed ordo etiam mutari potest.

Verba

Verba habent duo genera: activum et passivum, duos numeros (sc. singularis et pluralis) sex tempora, quinque modos.

Nomina

Et nomina et adiectiva Lettonica secundum genus, numerum, casum flectuntur. Duo sunt genera:

• masculinum
• femininum

duo numeri:

• singularis
• pluralis

septemque casus:

• nominativus
• accusativus
• genetivus
• dativus
• vocativus
• locativus
• instrumentalis

Excepto ablativo, qui in Lettonica deest, casūs sunt iidem atque in lingua Protoindoeuropaea.

Exemplum declinationis

Ecce exemplum declinationis verbi vīrs (sc. vir - nota verbi Lettonici et Latini similitudinem!):

Casus	Singularis	Pluralis
Nominativus	vīrs	vīri
Accusativus	vīru	vīrus
Genetivus	vīra	vīru
Dativus	vīram	vīriem
Instrumentalis	vīru	vīriem
Locativus	vīrā	vīros
Vocativus	vīr	vīri

Exemplar textūs: Pater noster

Lettonice Mūsu Tēvs, debesīs, Svētīts lai top Tavs vārds. Lai nāk Tava Valstība. Tavs prāts lai notiek kā debesīs, tā arī virs zemes. Mūsu dienišķo maizi dod mums šodien. Un piedod mums mūsu parādus, kā arī mēs piedodam saviem parādniekiem. Un neieved mūs kārdināšanā, bet atpestī mūs no ļauna. Āmen.

Latine Pater noster, qui es in caelis, sanctificetur nomen tuum. Adveniat regnum tuum. Fiat voluntas tua, sicut in caelo, et in terra. Panem nostrum cotidianum da nobis hodie, et dimitte nobis debita nostra, sicut et nos dimittimus debitoribus nostris. Et ne nos induxeris in tentationem, sed libera nos a malo. Amen.

Nexus externus

• De pronuntiatione, grammatica, aliisque rebus ad linguam Lettonicam pertinentibus (Anglice)

Haec stipula ad linguam vel ad linguisticam spectat. Amplifica, si potes!