Laertes

E Vicipaedia
Ulixes et Laertes. Chalcographia Theodori van Thulden.

Laertes in mythologia Graeca est Ulixis pater, Anticleae maritus, et Arcesii Alcomedusaeque filius.[1] Venatus Calydonii particeps fuit,[2] necnon Argonautarum expeditionis[3]; contra Colchos fortiter pugnans et vulneratus, a Medea curatur.[4]

Ulixe absente, Laertes primo in domu regia habitat, sed postea rus sedem transfert, superbiae procorum Penelopae causa, et ibi ipse terram colit, cumque servis dormit,[5] numquam de reditu Ulixis dubitans. Ulixes quidem eum libro XXIV visitat. Cum procorum occisorum propinqui tumultum fiant, Laertes Eupithem occidit, Minervae monitu.[6]

Nexus interni

Notae[recensere | fontem recensere]

  1. Eustathii commentarii in Odysseam, XVI 117–120.
  2. Ovid. Met. VIII 315, Hyg. fab. 173.
  3. Apollodorus, I 9, 16
  4. Diod. Sic. IV 48, 5.
  5. Od. I 184–189; XI 187–196; XVI 138–145.
  6. Od. XXIV 516–525.