Lacus Wollaston
Lacus Wollaston[1] vel Wollastonensis[2] (Anglice Wollaston Lake) est lacus Canadae in provincia Saskatchewano sita. Area lacustrina 2681 chm² est, altitudo media 20,6 m. maxima 97 m. Insulas habet innumeras. Litora silva borealis operit.
Lacus in divortio aquarum situs est et in duo varia systemata fluviorum defluxum habet, ad duas pelves siccationis pertinens. Maximus est lacus tali genere in orbe terrarum. Nam circa 10 centesimas partes aquae defluentis per flumen Fundi Lacustrini(en) in boreoccidentem in lacum Athabascam et per systema fluminis Mackenzie in mare Beaufortii abit, ceterae aquae ex angulo lacus boreorientali per flumen Cochrane in lacum Tarandorum et inde per systema Churchilli fluvii in sinum Hudsonium fluit.
Pisces Esox lucius, Sander, Thymallus, Salvelinus namaycush in lacu gignuntur.
Notae
[recensere | fontem recensere]- ↑ Arnoldi Henrici Guyot(en) De naturali lacuum divisione, Berolini 1835, p. 38.
- ↑ Cf. binomina Pecten wollastonensis, Chlamys wollastonensis.
Nexus externi
[recensere | fontem recensere] |
Situs geographici et historici: Locus: 58°15′1″N 103°15′2″W • OpenStreetMap • GeoNames |