Kerguelen
Kerguelen[1] vel insulae Kerguelenses[2] est archipelagus in parte australi Oceani Indici vel in Oceano Australi. Pars terrarum australium antarcticarumque Franciae est.
Insula archipelagi principalis saepe ipsa Kerguelen nominatur, sed correctius Terra Maior[3] vel insula Desolationis[4]. Praeter eam circa 300 insularum et saxorum archipelagum componunt. Area Terrae Maioris 6675 chm², аrchipelagi totius 7215 chm² est.
Insulae montuosae sunt; litora fiordis et terrae lacubus oblongis abundant. Mons altissimus est mons Ross; 1721 m altitudinem habet. Tundra vel, si altius ascendas, desertum Arcticum insulas occupat. Pringlea antiscorbutica comestibilis, saepe brassica Kerguelensis appellata, archipelagi planta endemica, frequenter crescit.
Nomine Ivonis Iosephi de Kerguelen de Trémarec [fr], qui anno 1772 archipelagum invenit, nuncupatur. Archipelagus incolis caret, praeter stationem scientificam, quae Portus Francogallorum[5] nominatur.
Notae[recensere | fontem recensere]
- ↑ Caroli Mauritii Gottsche aliorumque Synopsis hepaticarum,amburi 1844, pp. 554, 663 etc.; Ernesti Stizenberger Lichenea Africana, in: Bericht über die Thätigkeit der St. Gallischen Naturwissenschaftlichen Gesellschaft..., Sanctogalli 1891, pp. 237-243
- ↑ Vel Kerguelenenses. De adiectivo vide librum Catharinae Bayle Terras kerguelensis incognita et species Meridiosignum kerguelensis, Temora kerguelensis, Lyallia kerguelensis, Fragilariopsis kerguelensis etc.; sed Doris kerguelenensis, Austrodoris kerguelenensis, Actinomma kerguelenensis, Eatoniella kerguelenensis, Encyonopsis kerguelenensis, Myro kerguelenensis, Pinnularia subsolaris var. kerguelenensis, Leptychaster kerguelenensis, Ixodes kerguelenensis, Brisaster kerguelenensis, Poecilophysis kerguelenensis, Isodictya kerguelenensis etc.
- ↑ Francogallice Grande Terre.
- ↑ Francogallice île de la Désolation.
- ↑ Francogallice Port-aux-Français.
Nexus externi[recensere | fontem recensere]
|
Situs geographici et historici: Locus: 49°15′0″S 69°10′0″E • OpenStreetMap • GeoNames • Thesaurus Getty • Global Volcanism Program • "98412" apud INSEE • Большая российская энциклопедия • Encyclopædia Britannica |