Iugum Medianum

Iugum Medianum inter fluvios Album Sinistrum et Kirevnam Dextram.

Iugum Medianum est iugum montium in Camtschatca, quod per paeninsulam mediam a septentrione ad meridiem extenditur. Eius longitudo circa 1200 chm est, altitudo media a 1200 ad 1400 m. Perplures montes igniferos habet. Cacumen iugi altissimum est mons Itschinensis (Ičinskaja sopka, 3607 m altitudinis). Alii montes altiores sunt Chuvchoitun (2618 m), Alnei (2581 m), Schischel (2531 m), Mons Acer (Ostraja Sopka, 2539 m). Camtschatca flumen in iugo Mediano oritur et diu per vallem inter iugum Medianum et iugum Orientale fluit.