Iugum Indicum austroccidentale

Iugum Indicum austroccidentale^[1] est iugum oceanicum medium per partem austrorientalem oceani Indici circum Africam in oceani Atlantici partem australem protentum. Extremitas iugi boreorientalis est iunctio triplex Rodriguesiana^[2] (ad meridiem ab insula Rodrigues, insularum Mascarenarum maxime orientali), ubi iugum Indicum medium et iugum Indicum austrorientale cum eo coeunt. Extremitas austroccidentalis est iunctio triplex Bouvetiana^[3] (iuxta insulam Bouvet), ubi cum iugo Atlantico medio coniungitur. Laminam Somalianam a lamina Antarctica separat et permultis disiecturis transformantibus dissecatus est.

Interdum pars iugi ab iunctione Rodriguesiana ad planitiem elevatam submarinam Croset (iuxta insulas Crozet) "iugum Indicum occidentale" nominatur, et a planitie Crozet ad iunctionem Bouvetianam "iugum Africano-Antarcticum". Longitudo iugi Indici occidentalis circa 4000 chm est, latitudo a 200 ad 300 chm; altitudo supra fundum oceanicum a 1000 ad 2000 m, altitudo media a dorso iugi ad aequor maris ab 2000 ad 3000 m, minima 251 m est.

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Cf. binomina Friedmannodendron rodriguesiana et Polyscias rodriguesiana.
↑ Cf. Rubus bouvetianus.

Nexus externi

Situs geographici et historici: Locus: 25°30′0″S 70°0′0″E • Большая российская энциклопедия

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[2] Cf. binomina Friedmannodendron rodriguesiana et Polyscias rodriguesiana.

[3] Cf. Rubus bouvetianus.

[1]

[2]

[3]