Ioannes Iacobus Meyer

E Vicipaedia
Monumentum in honorem Ioannis Iacobi Meyer erectum Mesolongii in sepulcreto heroico.
Periodicum Ellinika Chronika, 1 Iulii 1825.

Ioannes Iacobus vulgo Johann Jakob Meyer (natus Turici die 30 Decembris 1798; mortuus 1826), fuit civis Schöfflisdorf districtus Dielsdorf, apothecarius, diurnarius Helveticus, et insuper philellenismi fautor egregius, qui in Graecia hodierna etiam populo gratus est.

De vita[recensere | fontem recensere]

Medici filius, Ioannes Iacobus Meyer adulescentiam haud quietam egit, cum moribus burgensibus se opponere soleret. Pharmacopola factus anno 1819, Friburgi medicinae studere coepit. Studiorum finis fieri non potuit, crumina aegrotante. Isti viro Bernae anno 1821 ante sodales societatis auxiliaris Hilfs-Verein für Griechenland medici munus simulanti gratis in Graeciam pervenire licuit. Tamquam chirurgus mense Martio 1822 Andrea Miaules praefecto in Patrarum proelio navali aderat. Unde Mesolongii habitabit, et dominulam quandam divitem in matrimonium duxit; tunc pharmacopolium proprium instituere opes supererant. Graece loquens, concivis omnibus dilectus factus est. Ex anno 1824, rei publicae fautor edidit folia Ελληνικά Χρονικά (Hellenica Chronica), cui incepto Georgius dominus de Byron nobilis favebat et pecuniarie succurrebat.[1] Ita Europaeis directo et velociter multa scitu digna tradidi poterant, quae autem interdum verbis in maius elatis erant.

Mense Aprili 1825 Turcae iterum oppidum impugnabant. De morte Ioannis Iacobi Meyer fertur eum inter primos die 10 Aprilis 1826 ex oppido evasuros fuisse.[2] Quae cum ita sint - Meyer ante mortem haec verba amico cuidam scripsit ubi de decore compatriotae Thellii mentionem movit: Mich macht der Gedanke stolz, daß das Blut eines Schweizers, eines Enkels von Wilhelm Tell, sich mit dem Blute der Helden Griechenlands mischen soll.[3]

Mesolongii in viridario heroum, quod dicitur, monumenta duo attestationem de fortitudine viri Helvetici reddunt. In Helvetia ipsa, Alexander Capus scriptor anno 2008 historiuncula impedivit, quo minus Meyer in oblivionem casurus esset.

Bibliographia[recensere | fontem recensere]

  • Alex Capus: Himmelsstürmer. Zwölf Portraits, Albrecht Knaus Verlag, Monaci 2008 ISBN 978-3-813-50314-2, p. 82–97
  • Emil Rothpletz: Der Schöfflisdorfer Philhellene Johann Jakob Meyer (1798-1826). Ein Beitrag zur Geschichte der Griechenbewegung in Europa während des griechischen Freiheitskrieges (1821-1829), Basileae 1931
  • Jean-Philippe Chenaux: Le Philhellène suisse Johann Jakob Meyer, héros de la lutte pour l'indépendance grecque, Desmos (Amitiés gréco-suisses), mense Novembris 2013, p. 23–26
  • Jean-Philippe Chenaux: Le Philhellène suisse Johann Jakob Meyer (1798-1826), héros de Missolonghi et rédacteur du premier journal grec - Le drame de Missolonghi et l'action humanitaire du Genevois Jean-Gabriel Eynard relatés par deux quotidiens vaudois, Lausannae, 2019, 20 p (edidit auctor ipse)

Nexus externi[recensere | fontem recensere]

Notae[recensere | fontem recensere]

  1. Attamen mors comitis praecox (die 19 Aprilis 1824) a Meyer vix deplorata est. Meyer enim Byron trossulum habebat.
  2. Historicus Georgius Finlay autem, qui se praesentem fuisse dixit, de captivitate uxoris infantiumque necnon de interfectione narravit. Quod die 22 Aprilis factum esse.
  3. Pavlos Tzermias: Neugriechische Geschichte, Tübingen 1999, p. 72 - Conversio: Dulce et decorum Thellii nepotis cuiusdam sanguinem cum sanguine heroico Graeco mistum iri.