Ingeniaria moderationis

Ingeniaria moderationis,^[1] sive ingeniaria systematum moderationis,^? est disciplina ingeniariae artis quae theoriam moderationis automariae ad systemata designationis adhibet, quibus sunt mores in circumiectis moderationis optati.^[2] Quae disciplina cum ingeniaria electrica plerumque congruit, quacum saepe in multis institutionibus per orbem terrarum docetur.^[2]

Ingeniarii technologiae moderationis sensores detectoresque^? adhibent ad actionem exitūs rationis continendae metiendam; quae mensurae retroactionem ad corrigendum aptam praebent, actionem optam adipisci adiuvantem. Systemata ut operentur sine initu humano designata systemata appellantur moderationis automariae, sicut cruise control, ad celeritatem autocineti moderandam adhibitum. Exercitatio ingenariae systematum moderationis, ingenio multidisciplinario, usum systematum moderationis plerumque per exemplaria mathematica maxime variorum systematum deductorum tractant.

Delineato

Hodierna ingeniaria moderationis est nova disciplina academica, quae, technologiā provectā, magnam vim saeculo vicensimo adepta est. Late definiri vel digeri potest adhibitio utilis theoriae moderationis. Ingeniaria moderationis partes necessarias in variis systematibus agit, a simplicibus machinis lavatoriis ad aeroplana insectatoria F-16 summae potestatis. Conatur intellegere systemata physica, formationem mathematicam adhibens, per initus exitusque ac varia elementa quibus sunt varii mores; adhibere instrumenta designationis systematum moderationis ad moderatores pro his systematibus excogitandos; atque exsequi moderatores in systematibus physicis technologiam adhibentīs quae praesto sunt. Systema moderationis esse potest mechanicum, electricum, fluidum, chemicum, aerarium, vel biologicum, et eius formatio mathematica, enodatio, et designatio theoriam moderationis in uno aut multis ex dominiorum temporis, frequentiae, et multiplicis generis S adhibet, naturā quaestionis designationis nitens.

Systemata moderationis automariae primum abhinc annorum bina milia facta sunt. Primum artificium moderationis retroactionis notum putatur antiquum horologium aquale quod Ctesibius Alexandriae in Aegypto circa saeculum 3 a.C.n. excogitavit. Horas numeravit gradu aquae in vase ordinando, et ergo flumine aquae ex vase. Quod certo fuit artificium prosperum, quia horologia aqualia designationis similis Bagdati iam fiebant cum Imperium Mongolicum urbem anno 1258 cepit. Varia artificia automaria multa saecula adhibebantur ad opera utilia perficienda aut tantummodo oblectare. Inter haec sunt automata, populo Europaeao saeculis septimo decimo et duodevicensimo grata, quae homunculos salientīs ostendebant qui idem opus identidem peregerint; quae automata sunt exempla moderationis sinūs aperti. Inter artificia moderationis automariae retroactionis vel sinūs clausi maximi momenti sunt gubernator temperaturae fornacis Cornelio Drebbel Alcmarensi circa 1620 tributus, et gubernator flyball centrifugalis ad celeritatem machinarum vaporariarum ordinandam ab Iacobo Watt anno 1788 excogitatus.

Notabilia ingeniariae moderationis inventa historica
Annum	Ingeniarius, Mathematicus	Inventum historicum
300 a.C.n.	Ctesibius Alexandrinus, Philo Byzantinus	clepsydra (horologium aquale), hydraulis (organum aquale)
Saeculum 2 a.C.n.	Fortassae Archimedes	machinatio Anticytherensis
saeculum 1	Hero Alexandrinus	aeolipyla
ca. 1770	Leonhardus Eulerus	calculus infinitesimalis
ca. 1780	Petrus Simon Laplace	transformatio Laplace
1782	Iacobus Watt	initium Revolutionis Industrialis, machina vaporaria constructa
1788	Iacobus Watt
1868	Iacobus Clerk Maxwell	systematica aequationum differentialium descriptio
1895	Adolphus Hurwitz	polynomium Hurwitzianum
1922	Nicolaus Minorsky
1932	Harrius Nyquist
1938	Henricus Wade Bode
1942	Ziegler / Nichols
1942	Norbert Wiener	exemplar praedictionis
1944	Hermannnus Schmidt	prima schola ingeniariae moderationis in Germania
1947	Norbert Wiener	cybernetica, theoria communicationis
1948	Gualterius Ricardus
1955	Henricus Kindler	prima schola technologiae moderationis in Germania Orientali
1957	Winfried Oppelt	prima schola technologiae moderationis in Germania Occidentali
1960	Rudolphus Kálmán
1962	Ricardus Bellman	principium optimizationis Bellmanianum, algorithmus Bellmanianus
1965	Lotfi Zadeh	theoria copiarum incertarum
1969	Ricardus E. Morley
1974	Guntherus Schmidt

↑ Vel fortasse moderandi, ordinandi, continendi, temperandi.
1 2 Systems & Control Engineering FAQ | Electrical Engineering and Computer Science. . engineering.case.edu (Case Western Reserve University). 20 Novembris 2015 .

Bennett, Stuart. 1986. A History of Control Engineering, 1800–1930. IET. ISBN 978-0-86341-047-5.
Bennett, Stuart. 1991. A History of Control Engineering, 1930–1955. IET. ISBN 978-0-86341-299-8.
Bolton, William. 1992. Control engineering. Harlow Essexiae: Longman Scientific & Technical; Novi Eboraci: Wiley. ISBN 0582097290.
Franklin, Gene F., J. David Powell, et Abbas Emami-Naeini. 2013. Feedback control of dynamic systems. Ed. septima. Stanfordiae Californiae: Pearson. ISBN 9780133496598.
Horn Martin. 2006. Nicolaos Dourdoumas: Regelungstechnik. Pearson Studium. ISBN 3-8273-7260-7.
Kilian, Christopher. 2005. Modern Control Technology. Thompson Delmar Learning. ISBN 978-1-4018-5806-3.
Ogata, Katsuhiko. 1997. Modern control engineering. Ed. tertia. Upper Saddle River Novae Caesareae: Prentice Hall. ISBN 0132273071.
Raven, Francis H. 1978. Automatic control engineering. Ed. tertia. Novi Eboraci: McGraw-Hill. ISBN 0070512280.
Samal, Erwin, Dirk Fabian, et Christian Spieker. 2013. Grundriss der praktischen Regelungstechnik. Oldenbourg Verlag. ISBN 3-486-71290-X.
Zankl, Arnold. 2006. Milestones in Automation: From the Transistor to the Digital Factory. Wiley-VCH. ISBN 978-3-89578-259-6.

Vicimedia Communia plura habent quae ad ingeniariam moderationis spectant.

Lege de systemata moderationis in Vicilibris.