Iairus Lapid

E Vicipaedia
Wikidata Iairus Lapid
Res apud Vicidata repertae:
Iairus Lapid: imago
Nativitas: 5 Novembris 1963; Telavivum
Patria: Israel

Officium

Officium: Prime Minister of Israel
Munus: diurnarius, scriptor, politicus, actor, Animator programmatis, newspaper editor, actor cinematographicus, opinion journalist
Patronus: Yedioth Ahronoth

Consociatio

Factio: Yesh Atid

Familia

Genitores: Tommy Lapid; Shulamit Lapid
Coniunx: Lihi Lapid

Iairus Lapid, litteris Hebraicis יאיר לפיד Jāʾīr Lapīd (Telavivi in urbe die 5 Novembris 1963 natus) est diurnarius et politicus Israëlis.

Filius est diurnarii et politici Iosephi Lapid, cuius parentes e Serbia et Hungaria orti sunt, scriptricisque scaenicae Sulamitis, cuius pater David Giladi e Transsilvania in Israëlem migraverat. Partim Londinii, partim Telavivi educatus est in gymnasio Hebraico Herzlija, unde sine diplomate decessit. In exercitu Israëlis militans nuntios diarii legionariorum Bamahane edidit. Inde exiens apud diarium Maariv (quod pater cum aliis condiderat) operam dedit. Editor anno 1988 factus est diarii urbani Jedioth Tel Aviv, atque ab 1994 usque in 2011 programmata televisifica de nuntiis recentissimis ostentabat. Eisdem annis plures libros praesertim mythistoricos edidit. Anno 2010 vita patris sui scripsit, titulo Memoriae me mortuo[he] (versione Anglica Memories After My Death).

Iairus Lapid, miles diurnariusque tiro, anno fere 1983 pictus.

Anno 2012 res politicas suscepit factionemque novam Ješ Atid ("Est futurum") condidit quam usque adhuc dirigit, quae comitiis anni 2013 secundam accessit et cum factione Unionis (Likud) ad regimen componendum se coniunxit. Dein a die 15 Martii eius anni usque in 2 Decembris 2014 Iairus Lapid minister a vectigalibus fit. Nova coniunctione cum pluribus factionibus die 13 Iunii 2021 composita, Iairus Lapid statim minister a rebus externis factus est, primo ministro Nephtali Bennett; qui die 1 Iulii 2022 cedens, Lapid vicissim primus minister hoc die creatus est.

Bibliographia[recensere | fontem recensere]

Nexus externi[recensere | fontem recensere]

Wikidata-logo.svg Lexica biographica:  • Encyclopædia Britannica • Store norske leksikon