Iacobus Nelson Barker

E Vicipaedia
Jump to navigation Jump to search
Pagina titularis partiturae The Indian Princess, or La Belle Sauvage, ludi musici Ioannis Bray ad libellum Barkeranum de vita Pocahontas compositi.

Iacobus Nelson Barker (natus 17 Iunii 1784; mortuus 9 Martii 1858) fuit miles, scriptor scaenicus, et politicus Americanus. Gradum maioris in exercitu bello anni 1812 tenebat, decem ludos scaenicos perfecit, munusque praefecti Philadelphiae quater sustinuit, annis ab 1820 ad 1824, quod munus Ioannes Barker pater antea sustinuerat, annis ab 1808 ad 1810, et ab 1812 ad 1813.

Barkerana litterarum opera dramata indigena suadebant,[1] dicentia scriptores Americanos primam nationis historiam magis magisque vindicare velle.[2] Argumenta eius ludorum in locis Americanis ponuntur, quod illo tempore inusitatum erat,[3] et Barker inter scriptores scaenicos primae aetatis auctorum Americanorum habetur.[4] Sciebat quidem suos ludos identitatem nationalem formare posse, libera conscientia Americana creanda. Credebat, ut in Philadelphia Democratic Press affertur, theatro esse finem superiorem, "ad animum libertatis alendum, et ad factiones certantis in communi libertatis amore reique publicae devotione coniungendas."[5]

Notae[recensere | fontem recensere]

  1. Miller 2007.
  2. Bryer et Hartig 2004.
  3. Bryer et Hartig 2004.
  4. Bryer et Hartig 2004.
  5. Anglice: "to keep alive the spirit of freedom; and to unite conflicting parties in a common love of liberty and devotedness to country."

Bibliographia[recensere | fontem recensere]

  • Bryer, Jackson R., et Mary C. Hartig, eds. 2004. The Facts on File companion to American drama. Novi Eboraci: Facts on File. ISBN 0816046654.
  • Hitchcock, H. Wiley. "An Early American Melodrama: The Indian Princess of J. N. Barker and John Bray." Notes: Second Series 12 (3): 375.
  • Miller, Tice L. 2007. Entertaining the nation: American drama in the eighteenth and nineteenth centuries. Carbondale Illinoesiae: Southern Illinois University Press. ISBN 9780809327782, ISBN 0809327783.
  • Richards, Jeffrey H., ed. 1997. Early American drama. Novi Eboraci: Penguin Books. ISBN 0140435883.

Nexus externi[recensere | fontem recensere]