Holdunesteti
Holdunesteti
Locus: 53°22′0″N 9°43′0″E
Numerus incolarum: 3 819
Situs interretialis
Nomen officiale: Hollenstedt
Gestio
Geographia
Regiones urbanae: Staersbeck, Q25621674
Territoria finitima: Moisburgum, Appelium, Wenzendorf, Kakenstorpium, Dohra, Heidenavia, Regesbostel, Oldendorf
Coniunctiones urbium
Tabula aut despectus
Holdunesteti[1] seu Holdunsteti[1] (Theodisce Hollenstedt; Saxonice Hullnst) commune Saxoniae Inferioris et pars Circuli Harburgensis sunt. Holdunesteti etiam sedes administrationis communis generalis eiusdem nominis sunt. Ad Holdunestetos commune vici Colonia Ochtmannsbruchensis[2] (Theodisce Ochtmannsbruch-Siedlung), Holdunesteti[1] (Theodisce Hollenstedt), Emma[3] (Theodisce Emmen), Ochtmannsbruchium[4] (Theodisce Ochtmannsbruch), Staersbecca[5] (Theodisce Staersbeck) atque Wohlesbostel (Theodisce Wohlesbostel) pertinent.
Historia
[recensere | fontem recensere]Holdunesteti vicus anno 804 primo in tabellis notatus est:
- Nam imperator (Carolus Magnus) super Albiam fluvium sedebat, in loco, qui dicitur Holdunsteti, et missa ad Godofridum legatione pro perfugis reddendis medio Septembrio Coloniam venit.
- (Annales regni Francorum ad annum 804)
et
- Anno DCCCIIII, aestatis tempore, Karolus imperator movit exercitum magnum Francorum et perexit in Saxonia et habiit ultra Alaram ad locum, qui vocatur Oldonastath. Et venit ad eum ibi rex Abotritorum, nomine Irosuc et detulit ei munera multa.
- (Chronicon Moissiacense ad annum 804)
Postea pars Ducatus Luneburgensis fuerunt. Anno 1705 ad Ducatum Electoralem Brunsvicum-Luneburgensem transierunt. Anno 1803 cum toto Ducato a copiis Francicis occupati sunt. Annis 1810 - 1813 pars Regni Westphaliae erant. Tum ad Regnum Hannoveranum, ab anno 1866 ad Borussiam pertinuerunt. Holdunesteti ab anno 1946 pars Saxoniae Inferioris et ab anno 1972 caput Holdunestetorum communis generalis est.
Notae
[recensere | fontem recensere]- 1 2 3 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 (A–D), 2 (E–M), 3 (N–Z).
- ↑ "Colonia" pro Siedlung ponitur: Langenscheidt, Deutsch–Latein, s.v. Siedlung, "colonia". "Ochtmannsbruchensis" a nomine Theodiscum Ochtmannsbruch per suffixum Latinum "-ensis-e" formatum est, quo Latina gentilicia derivantur.
- ↑ Germanica toponyma cum terminatione -en plerumque latinizari solent addita terminatione latinizata "-a-ae", quamquam huius terminationis variantes inveniri possunt. Exempli gratiā: Stolpa, Dresda apud articulum Vicipaedia de indice urbium et communium Saxoniae; et Ala, Amma, Brema, Salancema, Wisa, Groninga, Toringa apud J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 (A–D), 2 (E–M), 3 (N–Z).
- ↑ Germanica toponyma cum suffixis -bruch seu -broich plerumque latinizari solent addito suffixo latinizato "-bruchium-i", quamquam huius suffixi variantes inveniri possunt. Exempli gratiā: Horbruchium ac Mosbruchium apud articulum Vicipaediae Latinae de indice urbium et communium Rhenaniae et Palatinatus; Legebruchium apud articulum Vicipaediae Latinae de indice communium Brandenburgi; Grevenbruchium apud articulum Vicipaediae Latinae de indice communium Rhenaniae Septentrionalis et Vestfaliae.
- ↑ Germanica et Romanica toponyma cum suffixis -ec(k) plerumque latinizari solent addita terminatione latinizata "-ecca-ae" seu "-eca-ae". Qua de latinizatione, vide Botanical Latin, ubi dicitur "(...) -ec, -eck : -ecca, -ēca (...)".
Nexus externi
[recensere | fontem recensere] |
Vicimedia Communia plura habent quae ad Holdunestetos spectant. |
 |