Hermeuptychia sosybius

Animalia — Arthropoda

Classis : Insecta
Ordo : Lepidoptera
Familia : Nymphalidae
Subfamilia : Satyrinae
Tribus : Satyrini
Subtribus : Euptychiina
Genus : Hermeuptychia
Species : H. sosybius

Hermeuptychia sosybius
(Fabricius, 1793)^[1]

Synonyma

*Papilio sosybius Fabricius, 1793

Cissia sosybius
Hermeuptychia hermes kappeli Anken, 1993

Hermeuptychia sosybius (Anglice Carolina satyr) est papilio familiae Nymphalidarum, a Nova Caesarea meridiana ad meridiem secundum litus ad Floridam meridianam, ad occidentem ad Kansiam meridio-orientalem, Oclahomam mediam, et Texiam mediam endemicus. Etiam in Mexico invenitur.^[2]

Latitudo alarum est 32–38 mm. Latus superius est fuscum, sine notis; latus inferius etiam est fuscum, sed tribus parvis maculis ocularibus oris flavis in ambabus alis praeditum. Adulti suco et fructibus putrescentibus vescuntur.

Larvae variis speciebus Poacearum, inter quas Axonopus compressus, Eremochloa ophiuroides, Poa pratensis, et Stenotaphrum secundatum, vescuntur.