Henricus Berckman
Henricus Berckman
Obitus: 27 Martii 1679; Medioburgum
Patria: Res Publica Coniunctarum Provinciarum
,_by_Hendrick_Berckman.jpg)
Henricus Berckman (vulgo: Hendrick Berckman seu Hendrick Berckmans; Klundert 1629 natus; Medioburgi 27 Martii 1679 mortuus) fuit saeculi aurei pictor et peritissimus adumbrationis artifex Nederlandicus.
Biographia[recensere | fontem recensere]
Qui Harlemi a Philippo Wouwerman et deinde Antverpiae a Thoma Willeboirts Bosschaert atque Iacobo Jordaens artem pingendi didicit.[1][2] Primum parvas picturas pugnarum pinxit, sed hoc negotium eum haud alebat[1]. Pictor aulicus fuit apud regiam Henrici Nassoviae, qui anno 1652 obiit[1][2]. Postea, Iacobus Jordaens suadens, effectioni personarum effigierum institit[1]. De 1652 usque ad 1654 Lugduni Batavorum laboravit[1]. Ibique die 24 Februarii anno 1654 Henricus Berckman quidam ut sodalis Lugduni Batavorum Sancti Lucae Societatis notatus est, sed probabiliter idem pictor non est, quoniam mortuus iam commemoratur[1]. Anno 1655 in Sancti Lucae Sodalitatem Medioburgi receptus est, ibique laboravit usque ad 1679 ut personarum effigierum pictor clarus[1]. Ex operibus maximis, effigies classis praefecti Michaelis de Ruyter, Ioannis Evertsen et Hadriani Bankert commemoramus[2].
Ex Van der Aa sententia, Flissingae laboravit quoque, ibique picturas pugnarum perfecit[2].
Non solum effigies personarum, sed etiam topia pinxit[1].
Notae[recensere | fontem recensere]
Bibliographia[recensere | fontem recensere]
- "Hendrick Berckman". Rijksbureau voor Kunsthistorische Documentatie. 2017
- Abraham Jacob van der Aa; Karel Johan Reinier van Harderwijk;Gilles Dionysius Jacobus Schotel (1854). J.J. van Brederode. ed. Biografisch Woordenboek der Nederlanden. vol.II°. Harlemi. pp. 358
Nexus externi[recensere | fontem recensere]
|
Vicimedia Communia plura habent quae ad Henricum Berckman spectant. |