Hahajima

E Vicipaedia
Jump to navigation Jump to search
Tabula geographica Hahajima Rettō ang-ja (母島) (Imōtojima false Tori-shima appellatur.)
Oki vicus, monte Mukōjima procul.

Hahajima (Iaponice 母島 'insula materna') est secunda a maxima insula Insularum Ogasawara vel Insularum Bonin ad meridiem principalis archipelagi Iaponiensis versus. Area est circa 21 chiliometra quadrata, numerusque incolarum circa 440.

Loci altissimi sunt Chibusayama ('mons mamma'), circa 462 metra, et Sakaigatake, 553 metra alta. Chichijima, maxima gregis insula, circa 50 chiliometra ad septentriones iacet. Una cum minoribus insulis proximis, inter quas Anejima, Imōtojima, et Mukōjima, Hahajima Hahajima Rettō (母島列島) (olim Baily Group appellata) format.

Insula intra fines civiles Ogasawara Villagii in Ogasawara subpraefecturae Tocii Iaponiae iacet.

Oecologia[recensere | fontem recensere]

Hahajima animos malacologorum magnopere tenet ob eius gastropoda terrestria endemica, inter quae Lamprocystis hahajimana, species eponyma. Propter species invadentes, inter quas capri (qui habitationem destruunt) ac rodentia, platyhelminthes, et Euglandina rosea (quae gastropodis terrestribus loci vescuntur), naturalistae sollicitantur ne multae ex speciebus endemicis exstinctae fiant.[1]

Inter aves quae insulam habitant, Apalopteron familiare, magnifica ordinis Passeriformium avis, solum Hahajimae nunc invenitur. Chaunoproctus ferreorostris exstincta in Grege Hahajima (praeter insulam Haha-jimam ipsam) aliquando dicitur, sed iam alibi vivit. Columba janthina nitens, Ogasawara Columbae janthinae subspecies olim Hahajimam habitabat; hoc taxon ut videtur exstinctum annis 1980 factum est.

Notae[recensere | fontem recensere]

  1. Chiba, Davison, et Mori 2007.

Bibliographia[recensere | fontem recensere]

  • Chiba, Satoshi, Angus Davison, et Hideaki Mori. 2007. Endemic Land Snail Fauna (Mollusca) on a Remote Peninsula in the Ogasawara Archipelago, Northwestern Pacific. Pacific Science 61(2): 257–265. doi:10.2984/1534-6188(2007)61[257:ELSFMO]2.0.CO;2. Abstractum HTML.

Nexus externi[recensere | fontem recensere]

Commons-logo.svg Vicimedia Communia plura habent quae ad Hahajima insulas spectant.