Gutta frigida

Gutta frigida,^[1] sive dana (-ae, f.),^[1]^[2] est res meteorologica quae Mediterraneum Occidentale ineunte autumno et ineunte vere crebro afficit.

Etymologia

Locutio gutta frigida^[1] est metaphrastica mutuatio ex Hispanico syntagmate gota fría. Alterā e parte, dana (-ae, f.)^[2] etiam vocabulum mutuatum ex Hispanico vocabulo dana, quae vicissim est acronymum Depresión Aislada en Niveles Altos (scilicet 'depressio aëris frigidi in maxima altitudine semota').^[2]

Descriptio

Haec res praesertim litorales communitatum autonomarum Communitatis Valentinae, Murciani, Catalauniae, Vandalitiae Orientalis, Baliariumque insularum regiones terrestres afficit, quamquam effectūs intestinis in regionibus etiam percipi possunt.

Plerumque gutta frigida causatur cum frons aërem polarem gelidum vehens paulatim super Europam Occidentalem in summā altitudine (saepe inter 5 et 9 chiliometra) moveatur et cum calidiore et humido Maris Mediterranei aëre collidat, quod magnas tempestates parit.

In meteorologiā, locutio gutta frigida restrictum aëris frigidi agmen in summā altitudine in atmosphaerā designat, quod in chartā meteorologicā spissis isothermis circumdatum repraesentatur.

Notae

↑ ^1.0 ^1.1 ^1.2 Vide commentationem Ephemeridis Lunae die 24 mensis Martii 2025, ubi dicitur "Perturbatio haec vulgo ‘gutta frigida’ appellata est (...) Causa fuit quaedam aeris frigidi perturbatio DANA litteris compendiariis apud nos nuncupata, quae Hispanice “Depresión Aislada en Niveles Altos” sibi vult, id est, depressio aeris frigidi in maxima altitudine semota."
↑ ^2.0 ^2.1 ^2.2 Vide commentationem "DE IMMANI ALLUVIE HISPANICA" apud Ephemeridem Lunae die 24 mensis Martii 2025, ubi dicitur "quae res “dana” a peritis appellatur."

[Gutta_frigida-1] 1.0 ^1.1 ^1.2 Vide commentationem Ephemeridis Lunae die 24 mensis Martii 2025, ubi dicitur "Perturbatio haec vulgo ‘gutta frigida’ appellata est (...) Causa fuit quaedam aeris frigidi perturbatio DANA litteris compendiariis apud nos nuncupata, quae Hispanice “Depresión Aislada en Niveles Altos” sibi vult, id est, depressio aeris frigidi in maxima altitudine semota."

[Dana-2] 2.0 ^2.1 ^2.2 Vide commentationem "DE IMMANI ALLUVIE HISPANICA" apud Ephemeridem Lunae die 24 mensis Martii 2025, ubi dicitur "quae res “dana” a peritis appellatur."

[1]

[2]