Gulielmus Soro

E Vicipaedia
Wikidata Gulielmus Soro
Res apud Vicidata repertae:
Gulielmus Soro: imago
Gulielmus Soro: imago
Nativitas: 8 Maii 1972; Diawala
Patria: Litus Eburneum

Gulielmus Soro (Kofiplé in oppido natus die 8 Maii 1972) est politicus Litoris Eburnei.

E populo Senufo ortus, alumnus est universitatis Abidianensis, universitatum Parisiensium VII et VIII, recentissime scholae commercialis Lugdunensis.[1] Minister a communicatione fuit a mense Februario 2003 usque in Maium 2004, iterum ab Augusto eiusdem anni, primo ministro Seydou Diarra, sed a die 28 Decembris 2005 minister a reconstructione meruit, primo ministro Carolo Konan Banny. Deinde ipse primus minister die 4 Aprilis 2007 factus est, quo officio usque ad 6 Decembris 2010, iterum ab 11 Aprilis 2011 ad 8 Martii 2012 functus est. Iuxta eum Ally Coulibaly consiliarius anno 2010 merebat.

Praeses fuit conventus nationalis Litoris Eburnei a die 12 Martii 2012 usque ad 8 Februarii 2019. Mense Iulio 2023, iudex inquisitionis Lutetiae designatus est ad investigandum necem Ibrahimi Coulibaly, pristini ducis Ivoriani rebellis, in qua inter sicarios implicatus fuisse creditur Gulielmus Soro.[2]

Notae[recensere | fontem recensere]

Bibliographia[recensere | fontem recensere]

Nexus externi[recensere | fontem recensere]