Gualterus de Castellione

Gualterus de Castellione

Res apud Vicidata repertae:

Gualterus de Castellione: imago

Nativitas: 1135; Insula
Obitus: 1201; Samarobriva
Patria: Francia Borboniensis

Gualterus de Castellione (Francogallice Gautier de Châtillon, circa annum 1135 Insulis natus et circa 1201 Ambiani mortuus, fuit poëta Latinus Francogallicae originis, epicus et goliardus famosus.

Vita

Stephani Garlandensis^(fr) discipulus Parisiis et Remis fuit. Anno 1166 Angliam ad Henricum II regem migravit, ubi Thomae a Becket et Ioannis Saresberiensis familiaris fuit. Thoma occuso anno 1170 in Castellionem venit, ubi docebat. Bononiae iuri canonico studebat, postea Guillelmo Campaniensi archiepiscopo Remensi patrono canonicus Ambiani factus est. A peste bubonica mortuus est.

Fortunae rota in codice Burano picta carmenque Gualteri de Castellione "Fas et nefas ambulant passu fere pari" (19) exscriptum

Opera

Composuit carmina satyrica quorum nonnulla reperta sunt in manuscripto Carminum Buranorum. Conscripsit et poëma epicum celeberrimum cui titulus est Alexandreis, sive Gesta Alexandri Magni. Gualteri patronus, quo suadente Alexandreidem composuit, fuit Guillelmus Campaniensis.

Bibliographia

• F. J. E. Raby, A History of Secular Latin Poetry in the Middle Ages (Oxoniae: Clarendon Press, 1934. ISBN 0-19-814325-7) vol. 2 pp. 72-80, 190-204
• David A. Traill, ed., Walter of Châtillon, The shorter poems. Oxonii: Oxford University Press, 2013
• John R. Williams, "William of the White Hands and Men of Letters" in Anniversary Essays in Medieval History by Students of Charles Homer Haskins (Bostoniae, 1929) pp. 365-388 (Paginae selectae apud Google Books)