Grimod de la Reynière

E Vicipaedia
Jump to navigation Jump to search
Pagina adhuc usque elaboratur...
Haec pagina nondum perfecta in manibus auctoris est. Quapropter rogaris ut nihil nisi minora hic mutes, maiora autem ante disputes illic.
Si vero auctor ipse per septem dies nihil mutaverit, hanc formulam delere licet.
English language
English
The editor who created this page is still at work. Please make only minor corrections: other changes should be discussed on the talk page. (After this header has been in place for one week you can remove it.)
German language
Deutsch
Der Verfasser bearbeitet den Artikel noch. Daher werden höchstens kleinere Veränderungen gern gesehen: andernfalls bitte um Verbesserungsvorschläge auf der Diskussionsseite. (Nach einer Woche ist es angebracht, diesen Betreff in jedem Fall zu entfernen.)
Esperanto
Esperanto
La ekverkinto daŭre laboras pri tiu ĉi paĝo. Pro tio bonvolu fari nur etajn korektadojn! Pli maletaj estu pridiskutataj en la diskutejo. (Post unu semajno oni tamen rajtas forigi tiun ĉi markilon.)
Wikidata-logo.svg Grimod de la Reynière
Res apud Vicidata repertae:
Grimod de la Reynière: imago
Nativitas: 20 Novembris 1758; Lutetia
Obitus: 25 Decembris 1837; Villiers-sur-Orge
Patria: Francia

Officium

Munus: diurnarius, scriptor, Causidicus, restaurateur

Familia

Genitores: Laurent Grimod de La Reynière;
Familia: Q97365434

Grimod de la Reynière (Alexandre Balthazar Laurent Grimod de La Reynière; natus die 20 Novembris 1758;[1] mortuus die 25 Decembris 1837) fuit iuris consultus, ganeo, et scriptor in lingua Francogallica de rebus convivalibus.

Iuventus[recensere | fontem recensere]

Balthazar Grimod de la Reynière Lutetiae anno 1758 natus est, matre e nobilitate orta, patre Laurentio publicano divitissimo (fermier général) publicanique valde divitis filio. Manibus fere carentibus,[2] Alexander digitabula prosthetica gerere solebat quorum gratia faciliter scribere et, si necesse sit, delineare potuit. Annum agens undecimum in Collegium Plessaeum [fr] universitatis Parisiensis, post quattuor annos in Collegium Remense [fr] intravit, unde in Lyceum Ludovici Magni translatus est.

A parentibus (qui filium rarius visitaverunt) aut potius ab amitae marito Christiano de Malesherbes [fr] mense Augusto 1775 peregrinatio iuveni Balthazare praescripta est in Borboniensem, Lugdunensem, Delphinatum, Helvetiam, Sabaudiam. Ibi Lausannae "annum vitae meae iucundissimum" degit "liber, nemini cliens, acceptus, requisitus, amore captus eo usque ne tristis fiam ... studiisque cupitis quae ego solus elegerat devotus": sic se sensisse post duodecim annos meminit.[3]

Pater his annis villam urbanam [fr] luxuosam sibi aedificari iusserat, eodem loco ubi hodie legatio Civitatum Foederatarum stat, Campis Elysiis adiacentem et a convivis hôtel des Champs-Elysées ("villam Camporum Elysiorum") nuncupata. Balthazar ergo, Lutetiam mense Octobri 1776 reditus, interdum hic, interdum Clipiaci in villa familiae suburbana habitabat: pater rarius, mater cum amasiis suis crebrius aderant. Binas in domos cenae Lucullianae optimatibus offerebantur.

Anno 1777, studia iuris persequens, habitationem prope universitatem ad viam Inferni (rue Denfert) sibi nactus est. Ab eodem anno recensiones fabularum scaenicarum scripsit quae usque in 1778 in Journal des théâtres Lutetiae,[4] ab 1780 in Nouveau journal helvétique Novicastri in Helvetia divulgatae erunt;[5] amicitiam cultivabat Ioannae Quinault [fr], sociae du Bout-du-Banc [fr], actricumque iuvenum inter quas Dorotheae "de Luzy" cuius delicias se esse praetendit; socius Academiae Arcadum Romanae iam annum aetatis vigesimum agens convocatus est.[6] Ab 1778 munere iuris consulti functus est.

Filius matris inimicus[recensere | fontem recensere]

Mater eius postulationem matrimonii cum Angelica de Bessi (Mitoire) germana, anno fere 1779 factam, modo secreto frustrari conspiravit. Quo acto ille "matrem non iam honoravit", ait amicus Restif de la Bretonne, qui historiam huius coniurationis postea forma mythistorica divulgaverit.[7] Anno 1780 vituperationes palam in matrem Iacobumque de Breteuil [fr] matris amasium iecit. Deinde matrem patremque rarissime viderit. Hoc fere tempore due 22 Novembris 1782 Restif de la Bretonne apud dominam Duchesne primum incurrit.[8]

"Cenam-collationem" parodicam in villa Camporum Elysiorum, patre et matre absentibus, die 1 Februarii 1783 celebravit:

Vous êtes prié d'assister an souper-collation de Me Alexandre-Balthazar-Laurent Grimod de La Reynière, écuyer, avocat au Parlement, membre de l'Académie des Arcades de Rome, associé libre du Musée de Paris, et rédacteur de la partie dramatique du Journal de Neufchâtel; qui se fera en son domicile, rue des Champs-Elysées, paroisse de la Madeleine-de-la-Ville-l'Evéque, le [premier] jour du mois d[e février] 178[3]. On fera son possible pour vous recevoir selon vos mérites; et, sans se flatter encore que vous soyez pleinement satisfait, on ose vous assurer dès aujourd'hui que du côté de l'huile et du cochon vous n'aurez rien à désirer. On s'assemblera à neuf heures et demie, pour souper à dix. Vous êtes instamment supplié de n'amener ni chien ni valet, le service devant être fait par des servantes ad hoc.[9]

Convivae septemdecim adfuerunt, videlicet ipse hospes; Brisson consiliarius parlamentarius; Rodier consiliarius curiae adiutoriae; Champcenetz et Fortia de Piles milites; Vigée et Dubuisson scriptores; Neveu pictor; D'Azincourt [fr] comoedus;[10] Bonnières [fr], Rimbert,[11] de Lisle de Norvan, Villette, Popelin,[12] Vivien iuris consulti; domina de Nozoyl in travestito; Barth qui a secretis Alexandro merebat.[13] Adstabat Aze, macellarii filius, philosophus a Grimod admiratus.[14]

De hac cena multi scripserunt,[15] inter quos citari debet Barth, conviva et secretarius: ille ad epistulam parodicam "Caillot-Duval" verbis honestioribus respondit.[16] Posteriores nonnulli e fontibus primariis veram historiam cenae-collationis elucidare temptaverunt.[17]

De vera ratione cenae nihil pro certo habemus, sed ipse hospes (fide Mémoires secrets) se mortem Ioannae Quinault commemorare praetendit (quae die 18 Ianuarii eius anni obierat), a matre sua olim amicissima aliisque fere omnibus oblitam.[18]

Déjeuners semi-nutritifs 1784: Ludovicus Sebastianus Mercier, Palissot, Andrieux, Petrus Beaumarchais, Maria Iosephus Chénier, Fontanes, Vigée, Collin d'Harleville, Pons de Verdun, Duchosal, les frères Trudaine, Pelletier des Forts, Fortia de Piles, Rochon de Chabannes, Cailhava, Le Bailly, l'abbé Boizart, Imbert, Boucher, Murville, le chevalier de Castellane, le comte de Narbonne, l'abbé Soulavie, les comédiens Larive et Saint-Prix, Verniniac, Restif de la Bretonne.

Monsieur, en conséquence de la délibération prise le 11 juillet dernier et à laquelle vous avez adhéré, vous êtes instamment prié de vous trouver, mercredi prochain, 5 novembre 1784, à midi précis, à l'ouverture de l'Académie des déjeuners, qui se fera à la manière accoutumée, rue des Champs-Elysées, paroisse de la Madeleine-de-la-Ville-l'Évèque. — P. S. Il y aura des lectures intéressantes et un discours de rentrée, que vous voudrez bien écouter avec indulgence. F. G. S. A. V. A. Paris, ce 28 octobre 1784[19]

Repetitio cenae famosae die 9 Martii 1786: Restif de la Bretonne, domina Mitoire (quam olim in matrimonium postulaverat), domina Chardon, Trudaine, Le Pelletier des Forts, Ludovicus Sebastianus Mercier, Fontanes, Maria Iosephus Chénier, Baïard, Aze[20]

Vagatio[recensere | fontem recensere]

Incarceratio apud Domièvre a 19 Aprilis 1786.[21] Annis 1787 et 1788 commentationes nonnullas ad libellos clandestinos Correspondance litteraire secrète contribuit. Apud Domièvre ad veram gastronomiam conversus est.[22] Ibi aestate 1787 venerunt et aliquot dies morabant domina Feuchère filiaque Adelais Theresa actrix, quam Lugduni in matrimonium duxerit.[23]

Ad Lausannam ante mensem Iulium 1788; Lugdunum; 1789 Turicum apud Lavater, Domièvre, rursus Lugduni.[24] Taberna Grimod de la Reynière Lugduni constituta. Cenas Lugduni dabat.[25] Baeterris apud amitam.[26] Lugduni de morte patris, die 26 Decembris 1793 obita, certior factus est, quibus diebus etiam avunculus materque sub revolutione incarcerati sunt; hac liberata, ille interfectus est.[27] Balthazar ergo anno 1794 Lutetiae reditus est.[28]

Société des mercredis[29]

Opus gastronomicum[recensere | fontem recensere]

Anno 1803 in Almanach des gourmands adventum Lutetiam lycopersicorum narravit et explicavit, praecepto lycopersicorum fartorum (antea non divulgato) curiose dato.[30]

Searchtool.svg Si plus cognoscere vis, vide Almanach des gourmands#Iuratores gastronomici

Ab anno 1804 in Almanach des gourmands itineraria nutritiva redigebantur ope quorundam iuratorum qui congredi solebant ad illas delicias aestimandas quas tabernarii Lutetiae submiserant.[31] Inter iuratores enumerantur Camerani (potagii Camerani primus inventor), Chagot du Creusot, Alexis Balaine (popinae Le Rocher de Cancale patronus), marchio de Cussy, D'Azincourt [fr], Rouvière [fr], mulieresque Aemilia Contat, Mézeray, Des Brosses, Ferrière, Hopkins, Desbordes, denuo sorores Augusta et Minette [fr] Ménestrier. Praeses ab initio congressuum fuit Iosephus Gastaldy medicus; cui successor fuit Gaspard Grimod de Verneuil, editoris cognatus.

Obsequia diei 7 Iulii 1812, retractio ruralis, mors[recensere | fontem recensere]

Indoles et fortuna[recensere | fontem recensere]

Minette Ménestrier [fr] actrix (ad sinistram partem imaginis) cui anecdota plura voluminum VII et VIII (1810-1812) seriei Almanach des gourmands dedicata sunt

Alexander culturam gastronomicam artemque convivalem imbiberit a cenis generosis quae iussu patris convivis illustrissimis praebebantur,[32] atque a coquo paterno Morillion ("inter optimos saeculi duodevicesimi coquinarios" a iuveni nuncupato) cuius adiutorium Voltarius olim postulaverat.[33] In his rebus discipulus erat (sicut ipse praetendit) patris; neque avi sui [fr] oblitus est, ganeonis famosi, qui, saepe ob indigestionem morte periculatus, ante nepotem natum die 10 Februarii 1754 propter ficatum anserinum pastillatum avidius sumptum obierat.[34]

Cena quaedam die 14 Ianuarii 1772.[35]

Merendae Helveticae.[36]

Le Rédacteur ... fils d'un père qui passait pour tenir l'une des tables les plus recherchées de Paris, et descendant d'un aïeul mort au champ d'honneur, c'est-à-dire, des suites d'une indigestion de pâté de foies gras ("Scriba ... filius patris qui mensam tenebat inter omnes Lutetiae desideratissimas reputatam prolesque proavi ipso proelii campo mortui, i.e. post indigestionem pastilli saginatorum iecurum anserinorum").[37]

Misogynia, quam in variis scriptis suis lectores percipiunt, fortasse ope virginis cuiusdam Lausoniae vano in coniugium postulatae orta, praecipue inculcata est ope matris suae quae matrimonium anno 1779 temptam modo secreto frustravit. Postea nullam in matrimonium duxit, sed mulieres frequentare minime recusabat, tam seniores, sicut Ioannam Quinault, quam iuniores, sicut Dorotheam "de Luzy" cuius delicias se esse praetendit. Venustatem virginum (quamquam gastronomiae submissarum) haud reiecit:

Ces sortes de ragoûts qui s'exécutent ainsi sur table raniment la joie et l'appétit des amateurs, surtout lorsque la main succulente et fraîche d'une jeune et jolie femme se charge de les apprêter ("Talia obsonia, quae ad ipsam mensam perficiuntur, gaudium gulamque appetentium redanimant, praesertim si manu vegeta suculentaque iuvenis mulieris formosae apparari debeant").[38]

Ironia. Rôti sans pareil[39]

Opera[recensere | fontem recensere]

Libri et libelli[recensere | fontem recensere]

Tomus II seriei Almanach des gourmands (1804) (Bibliotheca Ganearia Hermalle-sous-Huy)
  • 1783 : Réflexions philosophiques sur le plaisir par un célibataire (Textus apud Google Books) apud Gallica
  • 1785 : Lorgnette philosophique, trouvée par un R. P. capucin sous les arcades du Palais-Royal, et présentée au public par un célibataire. "Londinii" pars 1 pars 2 apud Gallica
  • 1786 : Mémoire a consulter et consultation pour Me Marie-Emilie-Guillaume Duchosal, avocat en la Cour, demandeur, contre le sieur Ange Fariau de Saint-Ange
  • 1788 : Peu de chose (Textus apud Google Books)
  • 1788 : Lettre à M. Mercier, ou réflexions philosophiques sur la ville de Lyon. Lutetiae
  • 1790 : Les miniatures, ou Recherches sur les trois grands spectacles Textus apud Gallica
  • 1792 : Lettre d’un voyageur à son ami sur la ville de Marseille
  • 1793 : Moins que rien (Textus apud Google Books) apud Gallica
  • anno incerto : Le Songe d'Athalie, par M. G. R. I. M. De La R. E. Y. N., avocat au Parlement Textus apud Gallica
  • anno incerto : Désaveu du sieur Grimod de La Reynière, touchant la parodie d'Athalie (Textus apud Google Books) apud Gallica
  • 1803 : Visions d’un bon homme. Première vision Textus apud Gallica
  • 1808 : Manuel des amphitryons: contenant un traité de la dissection des viandes à table, la nomenclature des menus les plus nouveaux pour chaque saison, et des élémens de politesse gourmande. Lutetiae: Capelle et Renand Textus apud Internet Archive apud Gallica

Commentationes periodicae[recensere | fontem recensere]

Editiones operum miscellaneae[recensere | fontem recensere]

vol. 28-29 (3a epistula 20 Nov. 1786) vol. 30 (4a epistula 23/27 Ian. 1787) vol. 42 p. 539 de cena

  • Epistulae Grimod aliorumque in Restif de la Bretonne, Le Drame de la vie vol. 5 (1793) pp. 1238-1327 (pp. 1238-1327 apud Google Books)
  • Le gastronome français, ou l'art de bien vivre par les anciens auteurs du Journal des gourmands, mm. G.D.L.R. [etc.] Lutetiae, 1828 (Textus apud Google Books) apud Gallica
  • "Lettres inédites de Grimod de la Reynière à un Lyonnais de ses amis" in Revue du Lyonnais vol. 15, 1857 (pp. 315-325 apud Google Books)
  • "Avantages de la bonne chère chez les femmes" Textus editionis 1870
  • Le censeur dramatique (Genavae: Minkoff Reprint, 1973. ISBN 2-8266-0043-5)
  • 1978 : Ecrits gastronomiques (ex Almanach des gourmands anno primo [1803] et Manuel des amphitryons commentationes selectas) ed. Jean-Claude Bonnet (Lutetiae: Union Générale d’Editions, 1978. ISBN 2-264-00935-7)
  • Manuel des amphitryons; préface et notes de Misette Godard (Lutetiae: A.M. Métailié, 1983. ISBN 2-86424-025-4)
  • Almanach des gourmands (8 voll. Lutetiae: Valmer, 1984)
  • Almanach des gourmands (ex anno octavo [1812] commentationes selectas) ed. Allen S. Weiss (Lutetiae: Mercure de France, 2003. ISBN 2-7152-2404-4)

Notae[recensere | fontem recensere]

  1. ↑ #Desnoiresterres (1877) p. 4
  2. ↑ Né sans mains ait ipse in epistula privata: #Desnoiresterres (1877) p. 43
  3. ↑ Cette année fut la plus heureuse de ma vie. Libre, indépendant, fêté, recherché, amoureus autant qu'il le fallait pour n'être pas malheureus ... livré à des études agréables et purement de mon chois: "Lettre, 7 mai 1787" apud #Restif de la Bretonne (1793) p. 1252; #Desnoiresterres (1877) pp. 27-33
  4. ↑ #Desnoiresterres (1877) pp. 31-33
  5. ↑ Postea Journal de Neuchâtel. Commentatio in Lexico historico Helvetiae: Theodisce, Francogallice, Italice
  6. ↑ #Desnoiresterres (1877) pp. 31-34
  7. ↑ Il cessa d'honorer sa mère: Restif de la Bretonne, Les Françaises: La fille à la bonne mère (1787) vol. 1 pp. 23-28; #Desnoiresterres (1877) pp. 37-40; epistula de hac re
  8. ↑ #Desnoiresterres (1877) pp. 88-94
  9. ↑ Correspondance littéraire, philosophique et critique de Grimm vol. 11, 1782/1783 (1830) p. 364; #Lettres à un Lyonnais (1857) p. 317; #Desnoiresterres (1877) pp. 73-74
  10. ↑ Cf. "Epître dédicatoire aux manes de Jh. Albouis d'Azincourt" in #Almanach des gourmands vol. 7 (1810) pp. v-x
  11. ↑ An Gabriel-François de la Roche-Négly?
  12. ↑ An Popelin, garde des titres et sceaux du Grand Orient de France?
  13. ↑ Enumerationem convivarum habes #Lettres à un Lyonnais (1857) p. 317; #Desnoiresterres (1877)
  14. ↑ De Aze vide #Desnoiresterres (1877) pp. 63-72, 80
  15. ↑ Correspondance littéraire, philosophique et critique de Grimm vol. 11, 1782/1783 (1830) pp. 363-366; Mémoires secrets vol. 22 (1783) (pp. 72-73, 76-79, 81-83 apud Google Books); Correspondance secrète, politique et littéraire vol. 14 (Londinii: John Adamson, 1783) (pp. 137-138 apud Google Books); Pierre-Jean-Baptiste Nougaret, Tableau mouvant de Paris ou Variétés amusantes (Londinii, 1787) vol. 1 pp. 295-297
  16. ↑ Petrus de Boisgelin de Kerdu, Alphonsus de Fortia de Piles, Correspondance philosophique de Caillot-Duval (1795) no. 8 et 18, pp. 13-15 et 31-38
  17. ↑ #Lacroix (1856) (fasc. 1 pp. 110-118); #Desnoiresterres (1877) pp. 73-95
  18. ↑ Mémoires secrets vol. 22 (1783) p. 94, cf. #Almanach des gourmands vol. 5 pp. 240-241 nota; #Desnoiresterres (1877) p. 85; #Downie (2017) pp. 191-192
  19. ↑ #Lorgnette pars 2 pp. 31, 121; #Censeur vol. 2 p. 443; #Almanach vol. 2 (2a ed. 1804) p. 216; vol. 8 pp. 55-56; "Déjeuners" in Alphonsus de Fortia de Piles, Nouveau dictionnaire français pp. 101-102; Restif de la Bretonne, Les Contemporaines vol. 109 ad fin., Les Contemporaines: vogues contemporaines vol. 11 p. 539; Mémoires secrets vol. 32 pp. 225-227; #Desnoiresterres (1877) pp. 97-106
  20. ↑ Restif de la Bretonne, Le Drame de la vie vol. 3 pp. 1161-1169, Nuits de Paris vol. 7 p. 2931, Monsieur Nicolas vol. 6 pars 2 pp. 3077-3081; #Desnoiresterres (1877) pp. 111-116
  21. ↑ #Desnoiresterres (1877) pp. 133-150; "Lettre de cachet et exil à l'abbaye de Domèvre"
  22. ↑ #Desnoiresterres (1877) pp. 165-167
  23. ↑ #Desnoiresterres (1877) pp. 137, 171-176
  24. ↑ #Desnoiresterres (1877) pp. 151-160; #Almanach vol. 2 (2a ed. 1804) p. 61 nota
  25. ↑ #Desnoiresterres (1877) pp. 160-163
  26. ↑ #Desnoiresterres (1877) pp. 163-169
  27. ↑ #Desnoiresterres (1877) pp. 176-186
  28. ↑ #Desnoiresterres (1877) pp. 186-
  29. ↑ Almanach des gourmands vol. 1 (3a ed. 1803) p. 186; vol. 2 (2a ed. 1804) p. 265 ff.; vol. 4 (1806) pp. v-x; vol. 5 (1807) pp. 188-189
  30. ↑ #Almanach des gourmands vol. 1 (1803) pp. 152-153 editionis 2ae
  31. ↑ #Almanach des gourmands vol. 5 (1807) pp. 78-85, vol. 6 pp. 169-173, 223-226 et alibi
  32. ↑ #Desnoiresterres (1877) pp. 18-25
  33. ↑ L'un des plus grands cuisiniers du dix-huitième siècle: #Almanach des gourmands vol. 6 (1808) pp. 133, 324; #Desnoiresterres (1877) pp. 8, 24-25 (qui "Mérillon" scripsit)
  34. ↑ Edmond-Jean-François Barbier, Chronique de la régence et du règne de Louis XV (ed. 1866) vol. 6 p. 7
  35. ↑ Almanach des gourmands vol. 8 (1812) p. 31
  36. ↑ Almanach des gourmands vol. 2 (2a ed. 1804) pp. 59-61
  37. ↑ #Almanach des gourmands vol. 1 (1803) pp. vii-viii
  38. ↑ #Almanach des gourmands vol. 1 (1803) p. 94
  39. ↑ #Almanach des gourmands vol. 5 (1807) pp. 239-245, vol. 6 pp. 66-67

Bibliographia[recensere | fontem recensere]

Eruditio
  • Régis Confavreux, Le Dictionnaire gourmand de Monsieur de La Reynière. Lutetiae: Edilivre, 2018
  • Gustave Desnoiresterres, Grimod de la Reynière et son groupe. Paris, Didier, 1877 Textus apud Internet Archive
  • David Downie, A Taste of Paris (Novi Eboraci: St Martin's Press, 2017) pp. 184-201
  • Priscilla Parkhurst Ferguson, "A Cultural Field in the Making: Gastronomy in 19th‐Century France" in American Journal of Sociology vol. 104 (1998) pp. 597-641 JSTOR, praecipue pp. 612-613
  • Jean Haechler, Balthazar Grimod de la Reynière: un gastronome à la table des Lumières. Lutetiae: Editions Séguier, 2016
  • Jacqueline Hellegouarc'h, L'Esprit de société: cercles et salons parisiens au XVIIIe siècle. (Paginae selectae apud Google Books)
  • Chikako Hashimoto, "La tradition des almanachs et l'invention de la critique gastronomique de Grimod" in Etudes de Langue et Littérature Françaises vol. 44 (2013) pp. 31-47
  • Chikako Hashimoto, La Naissance du gourmand. Grimod de La Reynière et la Révolution française. Turonis: Presses universitaires François-Rabelais, 2019
  • Paul Lacroix, Histoire des mystificateurs et des mystifiés. Bruxellis: Lebègue, 1856 (fasc. 1 pp. 93-127 apud Google Books)
  • Giles MacDonogh, A Palate in Revolution: Grimod de la Reynière and the Almanach Des Gourmands. Londinii: Robin Clark, 1987
  • "Of Gastronomes and Guides" in Stephen Mennell, "All Manners of Food" (Oxoniae: Blackwell, 1985) pp. 266-290
  • Edouard-Marie Oettinger, Un Agathopède de l’Empire, ou Essai sur la vie et les travaux gastronomico-littéraires de feu Grimod de la Reynière. Bruxellis: Kiessling, 1854 Textus apud Gallica, recensio interretialis
  • Ned Rival, Grimod de La Reynière: Le Gourmand Gentilhomme. Lutetiae: Le Pré aux Clercs, 1983
  • Rebecca Spang, The Invention of the Restaurant: Paris and Modern Gastronomic Culture (2a ed. Cantabrigiae Massachusettensium: Harvard University Press, 2020) pp. 88-91, 150-169, 189-205 et alibi
  • "Rousseau and Grimod de la Reynière" in Barbara Ketcham Wheaton, Savouring the Past (Londinii: Chatto & Windus, 1983) pp. 224-228
Aliae encyclopaediae
  • Julia Luisa Abramson, "Alexandre Balthazar Laurent Grimod de la Reynière" in Alice Arndt, ed., Culinary Biographies. Houston: Yes Press, 2006. ISBN 978-0-9718322-1-3 pp. 190-193
  • Philip Hyman, Mary Hyman, "Grimod de la Reynière, Alexandre-Balthazar-Laurent" in Alan Davidson, The Oxford Companion to Food (Oxonii: Oxford University Press, 1999. ISBN 0-19-211579-0) pp. 354-355; Tom Jaine, ed., 2a ed. 2006; 3a ed. 2014
  • "Grimod de la Reynière" in Prosper Montagné, Larousse gastronomique (Lutetiae: Larousse, 1938) p. 558
  • "Grimod de la Reynière, Alexandre-Balthazar-Laurent" in Georges Vicaire, Bibliographie gastronomique. Lutetiae: Rouquette, 1890 (coll. 424-428 apud Google Books)

Nexus externi[recensere | fontem recensere]

Receptum de "https://la.wikipedia.org/w/index.php?title=Grimod_de_la_Reynière&oldid=3637424"