Georgius Perry-Smith
Georgius Perry-SmithObitus: 1 Octobris 2003; Helford
Georgius, vulgo George Perry-Smith (Widnes in urbe die 10 Octobris 1922 natus; ad Helford Cornubiae mortuus die 1 Octobris 2003) fuit popinarius.
Filius fuit praedicatoris Methodistae; quo mox mortuo Georgius apud amitas duas educatus est, sed Scholam Kingswood Bathoniae frequentavit; ibi postea docuit. Alumnus fuit collegii Divi Ioannis apud Cantabrigienses. Lutetiae apud lyceum Sancti Ludovici breve temporis spatium magister meruit artemque convivalem Francicam eodem tempore imbibit.
Elisabethae David sectator, popinam Hole in the Wall ("Foramen parietis") Bathoniae anno 1952 condidit et usque in 1972 direxit, coqua Joyce Molyneux. Quae popina inter cellaria latens cito celebrabatur. Hodie in cauponam nomine Circo cellar bar conversa est.[1]
Uxores quattuor duxit. Filius adoptivus (quem secunda uxor, Ruth Jaine, a suo marito anteriore adoptaverat) fuit Thomas Jaine scriptor de re coquinaria.[2]
Notae[recensere | fontem recensere]
Bibliographia[recensere | fontem recensere]
- "George Perry-Smith" (necrologia) in Daily Telegraph (4 Octobris 2003)
- Christopher Driver, "George Perry-Smith" (necrologia) in The Guardian (3 Octobris 2003)
- Angela Frewin, "Pioneer chef George Perry-Smith dies at 80" in The Caterer (10 Octobris 2003)
- Paul Levy, "George Perry-Smith, restaurateur at the Hole in the Wall" (necrologia) in The Independent (4 Octobris 2003)
Nexus externi[recensere | fontem recensere]
- Martin Dwyer, "George Perry-Smith’s Moussaka" (28 Februarii 2008)