Georgius Pell

Latinitas bona
E Vicipaedia
Georgius Pell: vexillum
Georgius Pell
Cardinalis Ecclesiae Catholicae Romanae
archiepiscopus Sydneyensis
titulus
Sacri S. Mariae Dominicae Mazzarello
Natus 8 Iunii 1941
presbyter ordinatus 16 Decembris 1966
episcopus nominatus 30 Martii 1987
episcopus consacratus 21 Maii 1987
Cardinalis promulgatus 21 Octobris 2003
a papa Ioannes Paulus II
Mortuus 10 Ianuarii 2023

Georgius Pell (natus Ballarat in urbe Australiana die 8 Iunii 1941; mortuus Romae die 10 Ianuarii 2023) fuit cardinalis et archiepiscopus Sydneiensis in Ecclesia Catholica.

De vita[recensere | fontem recensere]

Patre pugilista e stirpe Anglica, matre origine Hibernica, Georgius Pell in nativa urbe Ballarat civitatis Victoriae educatus est apud Collegium Sancti Patricii, deinde apud Collegium Corporis Christi Werribee in oppido. Alumnus est Urbanianae (Romae in urbe) universitatumque Oxoniensis et Monash. Iam ab anno 1966 sacerdos in urbe Ballarat merere coepit. Anno 1987 episcopus auxiliaris Melburnensis episcopusque titularis Scalensis promotus est. Die 16 Augusti 1996 archiepiscopus Melburnensis, die 10 Maii 2001 archiepiscopus Sydneiensis instauratus est. Hanc dignitatem etiam retinebat, sed a die 21 Octobris 2003 titulo cardinalis ornatus est. Conclavibus Vaticanis mense Aprili 2005 et mense Martio 2013 aderat, quae Iosephum Ratzinger et Georgium Marium Bergoglio papas creaverunt. Sodalis erat consilii cardinalium quod a Francisco papa die 13 Aprilis 2013 convocatum est. Iussu eiusdem e die 24 Februarii 2014 praefectus novi secretariatus ad res oeconomicas merebat.

Bibliographia[recensere | fontem recensere]

Nexus externi[recensere | fontem recensere]

"George Cardinal Pell" e The Hierarchy of the Catholic Church (situs a Davide M. Cheney elaboratus) (Anglice)