Georgius Ignatius Komp

Georgius Ignatius (Theodisce Georg Ignaz) Komp (natus in Hammelburg die 5 Iunii 1828; Moguntiaci die 11 Maii 1898 mortuus) fuit episcopus Fuldae ab anno 1894 usque ad 1898 et postea archiepiscopus Friburgi anno 1898, sed paulo post nominationem mortuus est.

Vita

Georgius Ignatius Komp nepos theologi Henrici Komp erat. Theologiam Catholicam Bonnae, Fuldae, et Romae in Germanico studuit, et Romae die 12 Iunii 1853 sacerdos ordinatus est. Redditus Fuldam cum doctoratu in theologia et philosophia, varia munera gessit, et rector seminarii ab anno 1861 munere functus est. Anno 1882, canonicus cathedralis factus est.

Anno 1894, a Leone XIII Papa Episcopus Fuldensis creatus est. A Ioanne Christiano Roos, Archiepiscopo Friburgensi, die 25 Iulii 1894 episcopus ordinatus est. Ut episcopus, contributionem ad seminarium Fuldensem contulit.

Post mortem Archiepiscopi Roos die 22 Octobris 1896, secundum legem ecclesiasticam civitatis vigentem, regimen civitatis Badensis vocem in designatione archiepiscopi habebat et Episcopum Auxiliarem Fridericum Iustum Knecht, a capitulo cathedrali electum, reiecit. Die 21 Martii 1898, Georgius Ignatius Komp, fere septuagenarius, unanimiter candidatus compromissum electus est. Monacum iter fecit ut Symbolum Apostolicum coram Nuntio Apostolico recitaret, quod testimonium ad confirmationem papalem necessarium erat. Designatio a Papa Leone XIII die 24 Martii nuntiata est. Inthronizatio pro die 12 Maii constituta erat. A Paulo Leopoldo Haffner, Episcopo Moguntino, peragenda erat. Komp igitur Moguntiaci substitit ut pallium acciperet, noctem ibi transigeret, deinde Friburgum iter faceret. Sed paulo post adventum suum ad Palatium Episcopale Moguntinum, ictu apoplectico affectus, statim sensum amisit, extrema sacra accepit, et die 11 Maii 1898 mortuus est, numquam suam archidioecesim ingressus. In Cathedrali Fuldensi sepulta sunt eius ossa.

Nexus externi

Vicimedia Communia plura habent quae ad Georgium Ignatium Komp spectant (georg Ignaz Komp, Georg Ignaz Komp).

“Curriculum vitae” e The Hierarchy of the Catholic Church (situs a Davide M. Cheney elaboratus) (Anglice)

Archiepiscopi Friburgenses ab anno 1821


Bernardus Boll (1827-1836) • Ignacius Antonius Demeter (1836-1842) • Hermannus de Vicari (1843-1868) • sedes vacans (1868-1882) • Ioannes Baptista Orbin (1882-1886) • Ioannes Christianus Roos (1886-1896) • Georgius Ignatius Komp (1898) • Thomas Nörber (1898-1920) • Carolus Fritz (1920-1931) • Conradus Gröber (1932-1948) • Wendelinus Rauch (1948-1954) • Eugenius Victor Paulus Seiterich (1954-1958) • Hermannus Schäufele (1958-1977) • Anscharius Saier (1978-2002) • Robertus Zollitsch (2003-2013) • Stephanus Burger (2014-)